Chapter Eleven
"Ano ang bagay na ito, Ginoong Soul?" tanong ko kay Ginoong Soul na s'yang nagluluto nang babaunin namin sa batis mamaya. Maliligo kami nito pagkatapos kong labhan ang mga damit namin nito. Nakakatuwa at may binili itong malaking powder na panglaba. Alam kong mahal iyon dahil noong minsang isinama ako ni Nanang doon ay sinaway n'ya ako na iyon ang kunin. Ayon dito ay kulang pa ang hawak naming pera kapag iyon ang binili namin.
"Ang tawag d'yan ay roll on. Para sa 'yo iyan." Ani nito sa akin.
"Para saan ito ginagamit, Ginoong Soul?" tanong ko na binuksan iyon at inamoy. Napakabango no'n. Lotion ba ito? Oo, alam ko ang lotion dahil noon ay pinagagamit ako ni Nanang ng lotion. Ibinigay raw ng tindera sa palengke na naging kaibigan n'ya. Kaso noong naubos iyon ay hindi na u
