"Tahimik ka na naman." Pukaw ni Ginoong Soul sa akin, umupo ito sa papag kung saan nakaupo rin ako.
"Iniisip ko lang kung kaya mo ba talagang manatili rito."
"Kaya ko, Aurora." Ginagap nito ang aking kamay. Tapos na kaming maghapunan, nagpapahangin lang ako saglit dito sa papag, sumunod lang ito.
"Nais mo ba talaga? O, dahil sa tingin mo ay kailangan ko lang ng kasama?" ani ko rito. Marahan kong hinaplos ang palad nito.
"Gusto ko, gustong-gusto ko." Sumandal ako sa matigas nitong dibdib.
"Huwag kang mag-alala, kapag hindi mo na gusto mauunawaan kita." Marahas na bumuntonghininga ito.
Ang isang palad nito ay humaplos sa braso ko, patungo sa aking leeg, umakyat sa aking mukha. Marahan nitong hinaplos ang aking pisngi, ilong at labi.
Wala akong reklamo, hinayaan ko lang ito, na w
