Chapter 16
REYNOLD
Hindi ako makapaniwala sa mga sinabi ni Jennifer. Imposible naman siguro na patayin siya ng sarili niyang ama. Inaamin ko na nagkamali ako dahil pinaasa ko siya, subalit napaka walang hiya naman ng ama niya kung ibibinta siya para lang pagkaperahan.
“Matutulungan kita sa problema mo, Jennifer. Basta pakawalan mo lang ako. Promise, tutulungan kita,’’ pangungumbinsi ko sa kaniya.
Umiling-iling siya na parang nagdududa sa akin. “Hindi kita pakakawalan diyan, Reynold. Pareho lang naman kayong mga lalake mga manloloko at walang isang salita. Hindi ka rin naman naiba kay Liam. Ipagkakalat mo rin sa iba na may nangyari sa atin kahit wala naman katulad ng ginawa ni Liam sa akin. Oo, sinasabi ko sa mga kilala ko na lahat ng naging boyfriend ko natikman ko na. Kahit ang totoo
