Nagising ako kinabukasan dahil sa malakas na tunog ng phone ko. Kumunot ang noo ko at wala pa sanang balak na dumilat dahil bukod sa masakit pa ang mga mata ko ay alam kong hindi pa sapat ang oras ng tulog ko. Pero mukhang walang balak tumigil sa kakatawag ang kung sino kaya kahit na nakapikit ay sinubukan kong abutin ang phone ko sa gilid pero may gumawa na nito para sa akin at ilang sandali lang ay narinig ko na ang isang napapaos na boses ng kung sino.
“Hello?”
Mabilis na napadilat ako at agad na bumungad sa akin ang isang hindi pamilyar na kisame ng kwarto! Napasinghap ako at agad na napalingon sa gawing kanan ko at agad na nabungaran ng tingin si Sven na kasalukuyang nakapikit pa ang mga mata at kunot ang noong inilapag ang phone ko dahil mukhang walang sumagot sa kanya sa kabilang
