Dahil sa nangyaring paglilihim ko sa mga kuya ko ay isang linggong hindi pwedeng dumalaw si Sven sa bahay. Inis na inis ako sa kanila at kulang na lang ay isigaw ko kanina na wala kaming ginawa sa apartelle na ‘yon kundi ang matulog!
“Palibhasa hindi pa siguro nakaranas na matulog sa isang kwarto na may kasamang babae na walang ginagawang kababalaghan! Nakakainis!” Iritado na bulong ko nang iwanan nila ako sa kwarto matapos kausapin tungkol doon.
Natigil lang ako sa paninitig ng masama sa pinto nang tumunog ang phone ko para sa isang chat notification galing kay Siob. Napasinghap ako nang maalalang hindi ko na pala s’ya nagawang replyan sa mga chats n’ya kagabi dahil tuluyan ng nalowbat ang phone ko. Hindi ko rin chineck ‘yon mula pa kaninang pauwi kami dahil alam kong puro mga message l
