Inabot kami ni Sven ng dalawang oras sa byahe papunta sa lugar kung saan n’ya ako gustong dalhin para sa first date namin.
Pagdating doon ay nagtataka pa ako dahil bukod sa ilang mga bahay na malalayo ang pagitan sa isa’t-isa ay wala naman akong nakitang ibang establishments. The place was like a secluded private area for people who wanted to build their house in the countryside. Ang kaibahan nga lang ay hamak na mas malalaki ang mga bahay sa lugar na ito kompara sa mga areas na may mga nakatayo na talagang mga bahay.
Tumigil ang sasakyan n’ya sa isang part na may mataas na bakod pero mukhang wala pang nakatayo na bahay. Kunot ang noong nilingon ko s’ya at nakita kong nakatingin na rin s’ya sa labas ng bintana at saka nakangiting niyaya na akong bumaba ng sasakyan.
“Nandito na ba tayo?”
