EIGHTEEN
Tanghalian na. Nagluto lang ako ng chicken adobo dahil request iyon ni Sir Cayde. At gaya kanina sabay kami nitong kumain. Salamat lang talaga at natapos kaming kumain na walang digmaang naganap.
Pagkatapos kong hugasan ang pinggan bitbit ko si T-tey patungo sa sala. Inabutan ko ito roon na biglang tumayo sa pagkakaupo sa couch nang makita ako.
"Ano na namang trip mo, Sir Cayde?" salubong ang kilay na tanong ko rito.
Ngumisi lang ito sabay kindat bago hawakan ang braso ko at iginiya paakyat ng hagdan. Mukhang maligaya ang malandi kong boss dahil walang ibang tao sa loob ng mansion.
Pumasok kami sa silid nito. Salubong na talaga ang kilay ko nang i-lock nito ang pinto.
"Ayusin mo nga 'yang itsura mo para ka namang ewan! Wala akong gagawing masama sa'yo!" natatawang sabi nito.
