Sinundan niya si Bebe hanggang sa makarating ito sa Rodriguez Memorial Hospital. Naisip niya na baka nga oras ng duty nito ngayon. Akala niya pa naman wala itong pasok dahil sa casual nitong suot.
Hinintay niya muna na makapasok ito sa loob ng ospital saka siya bumaba sa kotse at sinundan ito sa loob.
Hindi niya pinansin ang nagtatakang tingin ng mga nurse na nasa reception area. Deretso lang siyang naglakad sa hallway. Napapasilip siya sa bawat silid na nadadaanan hanggang sa mapunta siya sa isang private room.
May maliit na glass window sa gitna ng pinto kaya nakikita niya kung sino ang nasa loob. Isang matandang lalaki na pamilyar sa kaniya ang mukha at nakahiga sa kama. Ang likod nito ay nakasandal sa headboard.
Nakapikit ang mga mata na halatang nagpapahinga. Pinihit niya ang
