Kahit kailan ay hindi ko ipagpapalit ang buhay sa probinsya kaysa sa siyudad. Alam ko na bias ang aking prinsipyo ngunit mas masaya sa probinsya at sa tingin ko naman ay masaya naman si Ariel na kasama ako. Isa sa mga dahilan kung bakit ginusto ko siyang sumama ulit sa rancho ay upang mapalitan ang mga mapait niyang alaala na sinapit mula sa akin noong muling nagtagpo ang aming landas. Kung hind ilang dahil sa mga epal kong kapatid, matagal ko ng nagawa ang mga bagay na gusto ko sanang mangyari.
Kinabukasan, kinausap ko ang lalaki na pumunta kami ng ilog at doon kami maliligo. Pumayag naman siya kaagad kaya naghanda ako ng baon namin. Paalis na kami ng bahay nang makasalubong namin ang isa kong kapatid. Kaagad namin itong binati ngunit isang simangot lamang ang kanyang ganti. Napaka-s
