Lian POV
Araw ng Lunes. Pasado ala una y medya ng hapon nang pumunta ang isang sasakyang kulay pula sa beach club at hinahanap kaming dalawa ni Alex. Nagtataka ako kung sino ang naghahanap sa amin.
Nasa pool area kami ni Alex noong araw na 'yon at naliligo. Isang staff ang lumapit sa akin at itinuro ang taong naghahanap na noo'y nakatalikod. Nagsuot ako ng robe para maikubli ang naka-two-piece kong suot, habang nanatili naman si Alex sa pool.
Pumunta ako sa barside at nang malapitan ko ito ay napagsino ko ang taong naghahanap sa akin.
Si Andrius.
Natigilan pa ako nang unti-unti itong lumapit sa akin upang sana'y halikan ang aking pisngi. Pero umiwas ako gamit ng pagwaksi sa aking mukha. Seriously? May gana pa talaga ang mokong na 'to na magpakita sa akin. Tss. Marami ang nasa isip
