WARNING: Ang chapter na ito ay may mga sensitibong salita. Skip niyo na lang po kung ayaw niyo po sa ganoong tema.
XIAMARA
"ANO? Wala bang magsasalita sa inyo? Ano ang totoo?" sigaw ko sa kanilang tatlo. Nakatingin lang kasi sila sa akin at tikom ang mga bibig. Si Ziggy naman ay bakas sa mukha ang takot na hindi ko alam kung para saan.
Isa-isang tumayo sila Kade at Brixton. Lumapit sila kay Ziggy at tinapik ang balikat nito. Kasunod ay sa akin naman sila lumapit.
"Mas maganda na si Ziggy na ang magsabi sa'yo," ani ni Brixton.
"Lalabas lang kami. Isasama na namin si Y para makapag-usap kayo ng maayos," suhestiyon naman ni Kade. Hindi ko na sila nasagot dahil nakatutok lang ang mga mata ko kay Ziggy. Magkahinang ang mga mata naming dalawa. Puno ng takot ang kanya habang ang akin naman
