XIAMARA
KAAGAD akong sumakay ng taxi nang mabasa ko ang message ni Ziggy. Ni hindi na nga ako nakapag-reply pa sa kanya dahil sa sobrang pagmamadali. Tila nabuhay ang natutulog kong kaluluwa dahil sa text niya na iyon sa akin. Nagpasalamat pa ako kay Lord kanina bago ako umalis ng simbahan.
Ito na siguro ang sign na binigay niya sa akin.
Pagkababa ko sa taxi ay agad kong tinunton ang daan patungo sa function room. Sarado ang eskwelahan kaya naman sa likod ako dumaan. Alam kong iyon lang ang bukas at tanging sila Ziggy lang at ang ka-banda niya ang pupwedeng pumasok doon. Habang papalapit ako nang papalapit sa function room ay siya ring pabilis nang pabilis ang pagtibok ng puso ko. Bigla na lang akong sinalakay ng matinding kaba at hindi ko mawari kung para saan ang kabang iyon.
Patay
