XIAMARA
EKSAKTONG alas kwatro na ng hapon nang makarating kami sa building kung saan ang condo ni Irene. Nauna na akong lumabas sa sasakyan at hindi ko na hinintay pa na pagbuksan ako ni Ziggy ng pinto.
Nagkatinginan kaming dalawa nang magkasalubong kami sa nguso ng kanyang sasakyan. Matalim ang titig niya sa akin kaya tinaasan ko siya ng kilay.
"Bakit?"
"Bakit nauna kang bumaba?" tanong niya, mahina lang naman ang kanyang boses pero may himig pagtatampo roon.
"Huwag mong gawing big deal ang pag-una ko sa pagbaba ng sasakyan mo. Ito ang big deal sa akin ngayon kung bakit alam mo kung saan ang condo ni Irene," sarkastiko kong sambit sa kanya.
Pinamulahan naman siya ng mukha at nag-iwas ng tingin sa akin. Hindi na rin siya nagsalita kaya mas nag-ngitngit ako sa galit. Ni hindi man lang
