XIAMARA
PINILIT ko ang makapasok kinabukasan. Namumugto ang mga mata ko kaya naisipan kong magsuot ng shades. Kagabi nasa taxi pa lang ako ay panay na ang tawag sa akin ni Zi kaya naman minabuti kong patayin na lang ang aking cellphone. Ayaw ko siyang maka-usap o marinig ang sasabihin niya.
Galit ako sa kanya, hindi lang basta galit. Galit na galit!
Hindi ko rin alam kung paano ko siya haharapin mamaya sa school at kung paano ko siya iiwasan.
Dire-diretso ang ginawa kong paglakad patungo sa gate ng university, lalo na ng makita ko mula rito ang grupo ng The Rebels. Lumihis ako ng daan at nakisiksik sa mga estudyante na papasok na rin para hindi nila ako makita.
Nakahinga lang ako ng maluwag nang makalagpas na ako sa kanila at nang matanaw ko na ang classroom namin. Kung dati ay dumid
