Hindi pa rin ako namulat ng mata, dahil alam ko na kapag nagmulat ako ay makikita ko ang mga naglalakihan na question mark sa tapat ng ulo ng lahat ng taong nandito.
Kahit hindi ako namulat ay rinig ko na ang lahat ay natigil sa ginagawa nila. Walang kahit na sino ang gustong alisin ang tingin sa akin, iyon ang ramdam ko sa ngayon.
Bigla akong nanliit. Ni hindi ako makagalaw sa kinatatayuan ko.
Nai-itsura ko na ang mukha ni Rhode na alam kong nakatingin sa akin ngayon at pikon na pikon.
Huminga ako ng malalim. Ginawa mo yan, Odele, dapat panindigan mo.
Ngunit hindi pa ako nakaka-mulat ng mata, ay may bigla nang humigit sa akin.
Halos madapa ako sa paghigit niya sa akin at sari-sari ang flash ng camera ang nakikita ko. Lahat halos ng madaanan kong tao ay nakatutok ang camera ng cellp
