Pagkalabas nila ay ini-lock ko agad ang pinto. Huminga ako ng malalim at kinalma ang sarili ko sa panginginig. Kahit na gusto kong mag-tapang-tapangan para hindi na ako maapakan ulit ng mga taong kagaya nila, ay hindi ko pa rin maiwasan na paminsan-minsan ay inaatake ako ng trauma ko. Hindi na siguro talaga mawawala ang trauma kong iyon.
Nang makalma ko na ang sarili ko ay lumabas na ako ng comfort room at papalabas na sana ako ng bar para magpahangin nang makita ko sa may madilim na parte si Rocket at isang babaeng mukhang umiiyak. Pinapatahan siya ni Rocket at pilit siya nitong niyayakap, pero pinapalo niya lang sa dibdib ni Rocket.
Ayoko sanang mag-think, pero thinker ako kaya inisip ko pa baka jowa niya yun. Pero wala naman siyang nababanggit na girlfriend niya. Or baka hindi lang ni
