"Bakit ka ganyan magsalita, ha?! Bakit ang sama ng mga sinasabi mo sa akin? Oo, nagkulang ako sa inyo, pero hindi ko naman kayo pinapabayaan pagdating sa pagpapa-aral at iba pang kai—"
"Ikaw ang kailangan namin hindi yung pera mo. Masasabi mo bang ina ang tawag mo sa sarili mo kung ang lagi mo lang sinasabi sa telepono 'nagpadala na ako' 'may pera pa ba kayo?' 'nakapagbayad na ba kayo sa school?' ni hindi mo kami kinakamusta ng maayos. Tapos ngayon, pupunta ka dito na akala mo walang nangyari?!"
Hindi ko na hinintay pa siyang magsalita at mabilis na akong pumasok sa kwarto ko.
Hindi ko alam kung bakit hindi ako nagsisisi sa mga sinabi ko sa kanya kahit na alam ko namang masama ang ginawa ko. Alam ko rin na hindi naman siya nagkulang sa pagbibigay sa amin ng financial support, pero yun n
