Habang nagda-drive siya ay nagsalita siyang muli para siguro hindi siya antukin. Hindi na kasi ako nagsalita simula kanina, "Next time kapag nakainom ka wag kung sino-sino ang kinakausap mo, dahil kahit sino pwede kang iuwi at pagsamantalahan."
Parang siya? Charos!
"Bakit? Nag-offer ba si Damon na ihahatid niya ako?" tanong ko nang hindi siya tinitingnan.
"Of course... yun naman talaga ang plano ng mga kagaya niya sa ganung party."
"Talaga sa tingin mo?"
Nakita ko sa gilid ng mga mata ko na nilingon pa niya ako.
"Bakit? Kung papipiliin ka ba, mas gusto mo siya ang maghahatid sayo?"
"Wala naman akong choice, kasi hindi naman ako gising kanina."
Inis siyang natawa, "Wow… okay. Ano pa bang ine-expect ko? I know you'll never choose me."
Hindi ako nagsalita kaya siya ulit ang umimik.
