HINDI MAGAWANG makaimik ni Bella sa kinauupuan niya habang nakatitig sa mga kasama nila sa yate na may kaniya-kaniyang ginagawa.
Pagkatapos niyang aminin sa kaniyang sarili na nahuhulog na siya kay Elijah at may nararamdaman na siya dito ay naisipan niyang ikutin ang buong yate. Nang tumaas siya ay naabutan niya ang mga nakilala niyang sina Joaxx at Hanzo na naglalaro ng chess, habang sina Pale at Ymirr ay naglalaro ng tumbang braso sa isang mesa.
Nakita naman ni Bella ang ngayon palang din niya nakita n a si Cage na tahimik sa may kabilang side, nakaupo at nakatutok ang tingin sa laptop nito. Ibinaling naman ni Bella ang tingin niya sa kabilang side kung saan nakikita niya si Radcliff na nasa harapan ng manibela ng yate.
"Nasaan si Elijah?"
Agad na napalingon si Bella sa kaniyang lik
