Matapos nilang kumain sa restaurant ay nagpasya na silang magtungo sa condo ni Albrey. Doon muna siya mananatili ng ilang araw bago siya lilipat sa hotel na tutuluyan niya.
Wala silang bahay ni Sav, simula noong mamatay ang mga magulang nila ay nangupahan na lang silang dalawang magkapatid. Naging mahirap iyon para kay Shalanie lalo’t kakatapos lang niya sa pag-aaral noon at wala pang nakukuhang trabaho kaya naman noong swertehin siya ay nagpursige siya. Lahat ay ginawa niya para makarating lang sa posisyon niya ngayon sa kumpanyang pinagtatrabahuan.
Kasama naman sa pagbabalik niya sa Pilipinas ang plano niyang bumili ng sariling bahay o condo unit. Para na rin sa kanilang magkapatid pero mukhang siya lang ang titira doon mag-isa dahil may tinitirahan na ang kapatid niya. Kung tama ang p
