Nang magising si Samuel ay wala na si Shalanie sa tabi niya. Iginala niya ang mga mata niya sa buong silid at hindi na niya ito nakita. Ang mga damit niya ay nakatupi na sa ibabaw ng mesa at ang mga pagkain na hindi niya naubos kagabi ay wala na rin doon.
Naalala niya ang nangyari sa nagdaang gabi. Siguro naman may halaga na iyon para kay Shalanie. Napabalikwas na siya ng bangon. He wanted to see Shalanie right away. Mabilis siyang pumasok sa banyo at mabilis ring naligo.
Pagkabihis ay mabilis na rin siyang lumabas at nagtungo sa kusina dahil naisip niya na baka nag-aalmusal na si Shalanie sa mga oras na iyon, pero si Don Roberto ang naabutan niya roon. Mag-isa itong kumakain.
“Come join me, Sam," pag-aya ni Don Roberto sa kanya.
Binati niya ito at magalang na tinanggihan ang alok n
