Hindi na kumatok si Shalanie sa kuwarto ni Samuel. Basta na lang niyang pinihit ang siradura ng pinto at pumasok sa loob. Naabutan niya itong nanonood ng TV habang nakasandal sa headboard ng kama nito.
Nakatakda na dapat silang bumalik sa Toronto noong lingo ngunit pareho silang hindi nakabalik dahil nagkasakit si Samuel. Nalaman niya mula kay Don Roberto na galing ito sa pamimitas ng grapes nang malaman nito na hindi pa siya bumabalik mula sa pamamasyal.
Dahil sa labis na pag-aalala ay hindi nito inalintana ang pagod, sinugod nito ang malakas na ulan para lang makita siya. Dahil doon ay nagkasakit ito. Kaya naman siya ang nag-alaga dito.
Ngumiti ito nang makita siyang pumasok ng silid. Ginantihan niya rin ito ng matamis na ngiti. Nang makalapit siya ay inilapag niya sa mesa na nasa ta
