“Parang magkasinggulo lang pala tayo ng pinagdadaanan ngayon,” aniya kay Ethan bago tumungga ng alak na nasa kanyang baso. Magkaharap sila ngayon sa bar counter ng bahay ni Ethan na kasalukuyang tinutuluyan ni Samuel. Pumili sila ng pinakamatapang na alak sa mga alak doon ni Ethan at iyon ang iniinom nila.
Halos magkapareho lang sila ng problema ni Ethan. Ang boss din kasi nito ang kasalukuyang nitong karelasyon at nagkakaproblema ang mga ito sa ngayon. Ang pagkakaiba lang ng sitwasyon nila ay may relasyon ang mga ito samantalang sila ni Shalanie ay walang label. Kaya naman nagkayayaan silang uminom.
“Ano naman ang plano mo ngayon sa boss mo?” tanong ni Ethan kay Samuel.
Humugot siya ng malalim na hininga “Iniiwasan pa rin niya ako kaya iniiwasan ko rin siya. Hindi ako makatyempo kung p
