Ikinuwento ni Shalanie sa kaibigang si Clarice ang lahat ng mga nangyari sa kanila ni Samuel sa opisina nito. Patuloy pa rin sa pagpatak ang mga luha niya habang nagkukwento siya. Nakaramdam nang awa si Clarice para sa kaibigan. Hindi ito makapaniwa na mangyayari ang gano’n sa kaibigan nito, lalo’t kilala nito itong matapang at matatag na babae.
Kasalukuyan silang nasa kuwarto ni Shalanie. Dito siya dinala ni Clarice pagkatapos siyang sunduin sa opisina, para makapagpahinga siya. Naisip din kasi ni Clarice na baka dahil na rin sa pagod kaya ito nag-break down.
“Mas mabuti siguro kung magpahinga ka muna. ‘Wag ka na rin munang pumasok sa trabaho. Ako na ang magpapaalam para sa iyo.” Bakas pa rin ang pag-aalala kay Clarice.
“Alam mong hindi p’wede.” Marami siyang trabaho at iyon pa rin ang
