للرجال فقط

البارت الخامس ?

?قبل اى حاجه كل اسامى الشركات الى موجوده فى الروايه من وحى خيالى ومعرفش فى شركات بالاسم ده ولا لا?

ملاك شغلها زى كل يوم وراحت على المستشفي تطمن على ابوها وهى داخله قابلت الدكتور المسؤول عنه وقفت تساله عن حالته: دكتور ابراهيم حضرتك عامل ايه

ابراهيم: الحمد لله يابنتى انتى اخبارك ايه

ملاك: الحمدلله !! طمنى بابا عامل ايه دلوقت

ابراهيم: بقى احسن عن الاول وحاله قلبه استقرت نوعا ما انا كنت لسه هكلمك

ملاك اتخضت : خير فى حاجه

ابراهيم: ماتخفيش يابنتى مافيش حاجه كل الحكايه ان كتبت لابوكى خروج بكره وكنت هتصل ابلغك

ملاك فرحت : بجد يعنى هيروح بكره

ابراهيم: اه انشاء الله بس اهم حاجه الراحه مش عايزين مجهود خالص لحد مايعمل العمليه

ملاك : تمام اطمن حضرتك مش هيعمل مجهود خالص

ابراهيم: طيب عن اذنك اشوف باقى المرضى

ملاك : اتفضل يادكتور

راحت ملاك لاوضه ابوها وهى فرحانه انه خلاص هيرجع ينور البيت تانى ويادوب وصلت للباب وقف مبرقه وخبطت على دماغها : يانهار مش فايت دانا نسيت موضوع الشغل خالص هعمل ايه فى اللبس التنكرى الى بروح بيه هنزل ازاى ادام ابويا وانا لبسه راجل

دخلت لعلى وهى تفكرها كله فى هتعمل ايه وهى نازله وراجعه كل يوم

على : مالك يابنتى سرحانه فى ايه

ملاك : ابدا ياحبيبى فرحانه انك اخيرا راجع تنور البيت

على بصلها قوى : لا ياملاك فى حاجه تانيه شغلاكى

ملاك : مافيش بس بفكر هسيبك ازاى لوحدك وقت نزولى الشغل

على : يابنتى ماتشليش همى الكام ساعه بتوع شغلك هكون يانايم ياقاعد قدام التليفزيون

ملاك باست ايده : يعنى لو ماشيلتش همك هشيل هم مين

على : ربنا يخليكى ليا وميحرمنيش منك ابدا

ملاك : ولا منك ياحبيبى

خلص وقت الزياره وروحت ملاك وطول الطريق عماله تفكر هتعمل ايه وهى نازله وطالعه من الشغل طلعت العماره ويادوب هتفتح بابا شقتها لفت وبصت على الشقه الى قصادهم راحت خبطت فتحتلها ست فى اواخر الاربعينات بس رغم سنها جميله

: اهلا بست ملاك الى مش بتسال عليا خالص ولا كأن ليها ام تسال عليها

ملاك قربت حضنتها : حبيبت قلبى والله وحشانى خالص بس غصب عنى تعب بابا والشغل اخدين وقتى وانتى عارفه انى بعتبرك زى امى الله يرحمها وبحبك ازاى

: عارفه ياحبيبتى ربنا يعينك ويشفى عنه يارب بس انتى عارفه انى عايشه لوحدى وماليش حد غيرك يسال عليا من يوم جوزى ماسبنى وعيالى الى مابيسالوش فيا

ملاك اتوترت : حقك عليا مش هتاخر عليكى تانى !!!!طنط هاله ااانا عايزه اقواك على حاجه كده بس

سكتت ملاك مش عارفه تقولها ايه

هاله : خير ياملاك فى حاجه حصلت !!!!!

ملاك : انا عملت حاجه كده بس والله كنت مضطره ومحتاجه منك خدمه تساعدينى بيها

هاله قلقت: ماتكلمى ياملاك وقعتى قلبى

ملاك : انتى عارف ان بابا محتاج عمليه وهتكلف حوالى ميت الف جنيه وانا مش معايا المبلغ كله واشتغلت علشان اكمل المبلغ

هاله بصتلها قوى : شغلت ايه ياملاك الى هتجبلك المبلغ ده كله فى كام شهر قوليلى يابنتى ماتخبيش عليا

ملاك بصتلها شويه كتير وفجاه فهمت هاله بتفكر فى ايه: لالالالا ياطنط هاله انتى فهمتى غلط انا معملتش حاجه من الى جت فى بالك

هاله: طيب قوليلى شغلت ايه الى انتى قلقانه تحكيلى عليها

ملاك : انا اشتغلت سكرتيره فى شركه ادويه كبيره بمرتب مكنتش احلم بيه

هاله اطمنت: كويس الحمد لله فين المشكله بقى

ملاك: المشكله احمم انهم رفضين اى ست تشتغل فى الشركه وكانوا طالبين سكرتير راجل وعشان كده انا قدمت فى الشركه على اساس انى راجل وغيرت شكلى لراجل

هاله برقت مش مستوعبه الى ملاك بتقوله : انتى بتهزرى صح

ملاك قربت منها ومسكت ايديها: اسمعينى ياطنط قبل ماتقولى اى حاجه انا عارفه الى عملته ده غلط بس مافيش قدامى اى حل تانى انقذ بيه ابويا العمليه لازم تتعمل بالكتير بعد ست شهور وانتى عارفه اننا ملناش حد ومافيش اى حاجه عندنا ممكن اتصرف فيها واجيب فلوس كنت هعمل ايه وبالصدفه شفت الاعلان الى طالب فيه سكرتير وقلت ده اسرع حل اجيب بيه الفلوس وبعد مااجمع حق العمليه هقدم استقاله

هاله : وافرضى حد عرف انك بنت .. وبعدين انتى عملتى ايه فى الاوراق الى مكتوب فيها انك انثى

ملاك اتوترت:احمم زورتها!!!

هاله بنرفزه: كمااان يعنى لو حد عرف هتتحبسى فى قضية تزوير

ملاك: ياطنط انشاء الله مش هيحصل حاجه المهم دلوقت ابويا لازم الحقه قبل ماحالته تسوء

هاله سكتت تفكر فى كلامها : طيب انتى عايزانى اساعدك فى ايه

ملاك: بابا خارج بكره من المستشفى ومش عايزاه يعرف حاجه علشان كده محتاجه اغير اللبس عندك كل يوم الصبح ووانا راجعه انا عارفه انى بتقل عل

قاطعتها هاله : متكمليش انا والله لو فى ايدى حاجه اساعدك بيها مكنتش اتاخرت عنك ولا خليتك تعرضى نفسك للخطر يالا ربنا يسترها معاكى ويحميكى من كل شر

ملاك :حبيبتى ربنا مايحرمنى منك ابدا

******************

فى مستسفى الامراض النفسيه دخل دكتور احمد يدور على عفاف فى اوضه الممرضات ملقهاش سال عليها ممرضه كانت موجوده

: سهام مشفتيش الحاجه عفاف

سهام بصتله بهيام : ها اه شوفتها كانت عند البت الى اسمها رقيه

احمد بصلها بغيظ:بت !! اسمها انسه رقيه وياريت خلى اسلوبك احسن من كده مع المرضى

سهام بضيق : هو انا يعنى يادكتور اسلوبى وحش انا بعامل المرضى كويس ومبزعلش حد

احمد بتريقه : اه مانا عارف عن اذنك

احمد خرج وسهام فضلت بصه نحيته بغيظ: بقى انا اسلوبى وحش علشان قولت على ست زفته دى بت الظاهر ان شكى هيطلع صح ياويلها لو الى بفكر فيه حصل ..

خرج احمد وراح على اوضه رقيه لقاها لوحدها وقعده قدام الشباك سرحانه

احمد.فضل واقف باصص عليها وسرح .. رقيه حست ان حد واقف وراها لفت بصت على الباب لقت احمد واقف بيبصلها

احمد قرب منها وقعد جنبها : عامله ايه النهارده يارقيه

رقيه بصت للارض : الحمد لله كويسه

احمد : طيب ليه قاعده زعلانه كده

رقيه : لا ابدا مش زعلانه ولا حاجه

احمد بهزار : انتى ليه بصه للارض هو انا وحش لدرجه دى

رقيه ابتسم : لا ابدا ليه بتقول كده يادكتور

احمد مد ايده رفع وشها تبصله : اومال ليه ديمآ بتهربى بعنيكى منى وتبصى للارض

رقيه بصت لعنيه وعنيها دمعت وفضلت ساكته احمد مسح دموعها واتكلم بهدوء: ليه الدموع دى العيون الحلوه دى متستحقش دموع ليه م**مه ت**ريها

رقيه دورت وشها : لانها فعلا ات**رت خلاص ومعدش ينفع ارفعها فى اى حد

احمد اتعصب : مين الى قال انك لازم تكونى م**وره انتى مغلطيش فى اى حاجه بالع** انتى الى اتجنى عليكى ولو فى حد شايف غير كده يتفلقوا

رقيه دموعها زادت وخبت وشها بايديها احمد رفع ايدها من على وشها واتكلم بصوت مخنوق: كفايه يارقيه ارجوكى انا مش مستحمل دموعك دى بحس بوجع فى قلبى عمرى ماحسيته

رقيه بصتله باستغراب : انت بتقول ايه يادكتور

احمد : بقول الى مش قادر اخبيه اكتر من كده انا بحبك يارقيه من يوم ماشفتك وانا مش عارف افكر غير فيكى انا عارف ان ماينفعش احب حاله المفروض انى بعلاجها نفسيا بس غصب عنى قلبى حبك ومقدرتش امنعه يحبك ومش قادر اعيش من غيرك

رقيه وقفت وهى بتبصله وبترجع لورا واتكلمت بوجع : انت بتقول ايه !!! انت عايز الناس تقول ده اخد واحده فرطت فى شرفها مفكرتش فى مستقبلك هتواجه الناس ازاى هتقولهم ايه صعبت عليا وقولت ا**ب فيها ثواب

احمد قام متعصب ووقف قدمها : الناس !! الناس !! كل تفكيرك فى الناس قالوا الناس عادوا كفايه بقى فوقى لنفسك واعرفى ان مهما عملتى الناس الى بتقولى عليهم هيتكلموا ولو انتى شايفه حبى ليكى شفقه يبقى الى عندك هنا (شاور على قلبها ) استحاله يكون قلب

رقيه لسه دموعها نزله وهى بتتكلم : اومال اسميه ايه لو مش شفقه اشمعنى انا الى حبتنى

احمد قرب منها مسك ايديها وخبط بيها على قلبه وهو بيكلم بعصبية : اسألى ده حبك ليه قوليلوا اشمعنى حبتى انا مش واحده تانيه!! مش انا الى حبيتك يارقيه قلبى الى اختارك من بين كل البنات الى فى الدنيا ومش شفقه احنا فى المستشفى بيجلنا كل يوم حاله ا****ب اه كانوا بيصعبوا عليا بس عمرى ماحسيت بحاجه ناحيه اى واحده منهم بس انتى من اول مره شوفتك فيها وانا حبيتك حاولت كتير اكدب نفسى بس مع كل مره بشوفك فيها بتأكد انى حبيتك ومش عايز غيرك .

رقيه سكتت وقاعدت مكانها تانى من غير ولا كلمه

احمد بصلها بوجع : فكرى فى كلامى كويس يارقيه ولو شايفه انى مستحقش انك تحبينى صديقنى هبعد عنك ومش هحاول اقرب منك تانى ابدا عن اذنك.

بره على الباب كانت سهام وقفه وسمعت كل الكلام الى احمد قاله وحست ان فى نار فى قلبها واول ماسمعت ان احمد خلص كلامه جريت على اوضه التمريض ووقفت تكلم فى نفسها بغيظ: بقى كده ياسى احمد بقى ماتعبرنيش انا ورايح للزباله دى تحبها وانا الى بقالى سنتين بحاول اقرب منك مش معبرنى ماشى وحياتك عندى لحسرك عليها وبكره تشوف!!

احمد خرج من عند رقيه حاسس انه مخنوق ونفسه يصرخ بصوته كله عفاف كانت طالعه من اوضه مريضه تانيه قابلت احمد فى وشها وشكله باين انه مضايق

: دكتور احمد مالك شكلك مضايق قوى

احمد : انتى كنتى فين بدور عليكى يالا علشان نروح

عفاف : مجوبتش عليا يعنى مالك يابنى فى ايه هو فى حاجه حصلت

احمد اتن*د: تعالى معايا نروح واحكيلك فى الطريق

عفاف : طيب روح انت وانا وهاجى وراك مش لازم كل يوم اتعبك كده

احمد: بالله عليكى هتعب فى ايه احنا الاتنين ساكنين فى نفس العماره والباب قصاد الباب ايه التعب بقى فى كده

عفاف : طيب خلاص ماتتعصبش كده يالا بينا خلينى اشوف فيك ايه

احمد : يالا

روحوا هما الاتنين واحمد حكالها كل الى حصل بينه وبين رقيه

*********************