البارت السادس ?

1403 Words

عند ملاك استاذنت من اسر انها تتاخر ساعتين علشان ابوها خارج من المستشفى وراحت فعلا جابته ووصلت البيت : والله البيت كان مضلم من غيرك ياعلوه الف حمدالله على السلامه ياحبيبى على بتعب: الله يسلمك يابنتى الحمد لله على كل حال ملاك : تعالا ارتاح فى اوضك عبال ماحضرلك فطار علشان تاخد الدوا على : يابنتى كده هتتاخرى على شغلك ملاك ماتخفش ياويكا انا مستاذنه من المدير انى هتاخر شويه سيبنى بقى اروح احضرك الفطار اطمنت ملاك على ابوها بعد مافطرته وعطيته الادويه ونام وجريت هى على بيت هاله علشان تغير من ملاك البنوته لملاك الراجل !!!وصلت اخيرا الشركه وبدات تجمع باقى المعلومات الى ادم كان طالبها منها ..بعد حوالى ساعه ريحت ضهرها لورى وهى بتفكر فى المعلومات الى وصلتلها شويه وقامت دخلت لادم الى كان فى مكتب اسر : استاذ ادم انا جمعت شويه معلومات عن شركه كيمكوا اسر : وصلت لايه ؟ ملاك: والله يافندم الشركه دى مريبه يعنى ظاهريا هى كويسه ومافيش اى حاجه مش مضبوطه فيها ادم : طيب والخفى عن الشركه دى ملاك: هو مش خفى بالع** ده باين جدا بس الى يستوعب اسر استغرب : يعنى ايه وضح كلامك ملاك: احمم يعنى يافندم الشركه دى اتعاملت مع اكتر من خمس شركات قبلنا فى الخمس سنين الى فاتوا وكل شركه فيهم بتحصل فيها مصيبه بعد حوالى سنه او عشر شهور اسر : زى ايه !! ملاك : يعنى مثلا الشركه العربيه المتحده دى صاحبها اتقبض عليه واتوجهة ليه قضيه الاتجار فى الادويه الم**ره والشركه اتقفلت ..وفى شركه حورس للادويه صاحبها كان جايب شحنت ادويه ولما حللوها لقوها فاسده كلها وغير صالحه للاستعمال الادمى ..وغيرها وغيرها كل الشركات على نفس المنوال اسر بص لادم : شوفت ان كان معايا حق لما قولت ان الشركه دى مش مرتحلها ادم : بس مافيش حاجه تاكد ان الشركه دى ورى كل الى حصل للشركات التانيه اسر : عموما الفتره الجايه مش عايز التعامل معاها يكون ادويه او اى حاجه ممكن يتلعب فيها ادم : اومال هنتعامل معاها فى ايه اسر : اى حاجه انشالله مناديل ورق ملاك عايزك تبعت ايميل لشركه اى جى للادويه الى كنا هنتعامل معاها وتطلب منهم انى عايز اجتمع بيهم فى اقرب فرصه ملاك : تمام يافندم اى اوامر تانيه اسر : لا متشكر .. اه على فكره انزل الحسابات هتصرف شهرين مكافاه ليك ملاك برقت : ليه يافندم انا معملتش حاجه استحق عليها المكافأة أسر ابتسم : لا ازاى المعلومات دى مش اى حد كان هيوصلها وزى ماانت قولت كانت محتاجه حد بيفهم ملاك : بس يافندم أسر قاطعه: مافيش بس يالا روح كمل شغلك وابقى انزل للحسابات بعد ماتخلص شغل ملاك فرحت جدا بس مابينتش: متشكر قوى يافندم عن اذنك خرجت ملاك فرحانه قوى وجرت على موبيلها اتصلت على اسيل : الو ياسولا عامله ايه اسيل : الحمد لله كويس انك لسه فكرانى ياست ملاك ملاك: يابت بلاش القمص ده واسمعى علشان انا فرحانه قوى اسيل : خير فى ايه جالك عريس ملاك بق*ف : هو انتى مش بتفكرى غير فى العرسان وخلاص لا ياختى مجاليش عريس اسيل: اومال فى ايه ماتقولى ملاك : اخدت شهرين مكافاه النهارده يعنى انا ممكن على الشهر الجاى اعمل العمليه لبابا اسيل بفرحه : بجد قولى والله ملاك : والله يابت هكذب عليكى يعنى اسيل : الحمد لله هونها يارب خليكى تسيبى الشغل ده لاحسن انا حطه ايدى على قلبى وخايفه اسمع اسمك فى اخبار الحوادث ملاك كان هاين عليها تصوت : روحى ياشيخة منك لله!! حوادث مره واحده انا غلطانه انى اتصلت بيكى غورى يابت جبتيلى احباط فى حياتى قفلت معها واتصلت على هاله : الو طنط هاله عامله ايه هاله: الحمد لله ياحبيبتى ملاك :طب الحمد لله بابا عامل ايه ياطنط هاله : ماتخفيش ياحبيبتى لسه مطمنه عليه كان نايم ملاك: معلش ياطنط هاله بتعبك معايا هاله: والله لو قولتى كده تانى لاكون زعلانه منك انا قولتلك قبل كده انا بعتبرك زى بنتى ملاك: ربنا يخليكى ليا ياطنط طيب انا هقفل علشان اكمل شغلى ولو فى حاجه كلمنى هاله: ماشى ياحبيبتى ربنا معاكى مع السلامه ملاك : سلام ************** روحت سهام وهى هتتجنن من رقيه الى خ*فت منها احمد بسهوله وهى بقالها كتير بتحاول تقرب منه ومش عارفه وهى فى الطريق قابلت عاطف جارهم الى هيموت عليها بقاله كتير وهى ولا معبراه وقف قدمها زى كل يوم يحاول معاها : القمر وصل اخيرا وحشتينى قوى ياقلبى سهام : وبعدين معاك ياعاطف انت مبتزهقش عاطف: لا مبزهقش ومش هسيبك الا لما ترضى عليا وتوفقى تتجوزينى سهام وقفت بصتله بغيظ :ياعاطف انا قولتلك ميت مره انت زى اخويا وبعدين انت عايزنى اتجوز واحد ماسبش حاجه فى الم**رات الا لو شربها عاطف اتعصب عليها : ماانتى السبب رفضك ليا هو الى عامل فيا كده خليتينى كل لما ابقى عايز انساكى اشرب اى حاجه تقبلينى وبرده مش عارف انساكى. لو كنتى حسيتى انا بحبك قد ايه عمرك ماكنتى رفضتينى سهام بلا مبلاه: طيب ياعاطف سبنى اروح بقى انا تعبانه وعايزه انام عاطف بصلها بوجع : مافيش فايده مهما قولت مابتحسيش روحى ياسهام روحى مشت سهام كام خطوه وفجاه جتلها فكره فى دماغها تخلص بيها من رقيه رجعت لعاطف تانى الى واقف م**ور وطلع سجاير م**رات وبدأ يشربها وقفت قدامه بدلع : عاطف انا هفكر فى كلامك ولو لقيتك اتغيرت احتمال اوافق عاطف فرح ورمى السيجاره من ايده : بجد ياسهام يعنى ممكن توافقى ونتجوز سهام بلؤم: اه ممكن بس انا عايزه منك خدمه صغيره عاطف : اؤمرينى انا مستعد اعمل علشانك اى حاجه بس ترضى عليا سهام: عايزاك تجبلى حبتين تلاته من الفيل الأزرق عاطف تنح بصدمه : بتقولى ايه الفيل الازرق هتعملى بيه ايه ياسهام !!!!! سهام : ابدا كان فيه دكتوره سالتنى لو اعرف حد يجيبه علشان تعمل عليه ابحاث وانا قولتلها هشوف لو اقدر اجيبه وانا عايزه اعمل خدمه للدكتوره دى علشان هى مستقصدانى ولو جبتلها الحبوب دى هتشيلهالى جميله ومعتدش هتق*فنى فهمت عاطف بصلها قوى حاسس انها بتكذب : اوعى ياسهام تكونى عايزه تخدى منهم. الحبوب دى مؤذيه سهام : لالا والله هو انا هبله يعنى انا بقولك بطلع الم**رات واروح اخدها انا كل الحكايه زى ماحكتلك كده ومتقلقش انا هدفعلك تمنها انا سمعت انها غاليه قوى عاطف اضايق: وهو انا هاخد منك فلوس برده ياقلبى دانا عمرى كله ليكى عموما ايدينى لحد بكره قبل ماتروحى الشغل هيكونوا عندك سهام فرحت: ماتحرمش منك ياعاطف هطلع انا بقى علشان تعبانه عاطف: سلامتك ياحبيبتى اطلعى انتى ريحى مشت سهام وهى بتقول لنفسها وبتضحك : اما خلتهالك مخها يض*ب مبقاش انا سهام العدوى بعد ماسهام مشت عاطف اتصل على واحد صاحبه: الو ايوا يااسماعيل بقولك ايه انا عايز الفيل الأزرق تعرف مين شغال فيه اسماعيل: يانهار اسود انت وصلت للازرق بلاش ياصحبى أنت مش ناقص خربان فى دماغك عاطف : يالا مش ليا انا مليش فيه انا عايزه لناس معرفه هرزق من وراهم اسماعيل: انا هشوف هقدر اجبلك ولا لا اصل الكيف ده دايما بيبقى مع الناس العليوى دماغ بشوات يعنى اصلها غاليه قوى عاطف : ياعم دماغ عليوى ولا زفت المهم تجبلى الحبوب دى على بكره الصبح بالكتير والفلوس هتكون عندك فى ساعتها اسماعيل: تمام ياصحبى هاعس كده واكلمك سلام عاطف : سلام قفل عاطف معاه ووقف يفكر فى سهام : ياترى كلامك ليه صحيح وهترضى تتجوزينى ولا بتشتغلينى علشان اسكت بس لو طلعيتى بتشتغلينى يبقى انتى الخسرانه وهتخسرى كتير قوى قوى !!! ********************** فى شركة الراوى كانت ملاك على مكتبها لما وصل اسر :صباح الخير يا ملاك وقفت ملاك : صباح النور يافندم اسر : شركه اى جى ردت على الايميل ولا لسه ملاك: ردت يافندم بس هما طلبوا ان الاجتماع يكون عندهم فى دبى اسر فضل ساكت شويه يفكر هيعمل ايه وبعد شويه رد عليها : رد عليهم بالموافقه وعرفهم انى هسفرلهم بعد يومين واعمل حسابك هتيحى معايا ملاك تنحت :اانا يافندم اسافر مع حضرتك أسر,: ايوا ياملاك ايه المشكله انك تسافر معايا ملاك فكرت شويه تقوله ايه هتقوله انها لو سفرت يبقى هتضطر انها تزور باسبور كمان لالا كده اكيد هتكشف لازم الاقى حجه كويسه اسر لما طال سكوته قاله : مالك ياملاك عندك مشكله فى السفر ملاك بعد تفكير : ايوا يافندم انا قايل لحضرتك ان والدى تعبان ومالوش غيرى ومش هقدر اسيبه لوحده واسافر أسر : هو عنده ايه ؟ ملاك : عنده مشكله فى القلب وهيعمل عمليه قلب مفتوح أسر استغرب : طيب مستنى تعملها له امتى ملاك اتحرجت تقوله انها معهاش تكملة فلوس العمليه : هاا اصل يعنى انشاء الله هعملهاله قريب أسر فهم ان المشكله فى الفلوس بس محبش يحرجه : طيب تمام انا هسافر يومين اخلص مع الشركه وانت خد بالك كويس عبال ماارجع واستاذ أدم معاك لو فى اى مشكله ملاك : ترجع بالسلامه يافندم ومتشكر قوى ان حضرتك قدرت ظروفى أسر ببرود : الحكايه مش مستهله شكر . يالا كمل شغلك وابعتلى قهوتى ملاك بغيظ منه: حاضر دقايق واجبها لحضرتك دخل اسر وملاك كالعاده برطمت: ياباى على البرود تلاجه

Free reading for new users

Scan code to download app

App Store Google Play

Facebookexpand_more