الشيطان يعظ ( الجزء الثاني )

الفصل الثالث

الفصل الثال

تفتكره ايه النجاح هل الطاعه لا الطاعه تكفي نجاح التابع بس لكن ايه النجاح في الحياه الحياة الي كل يوم تنصب لينا فخ مره اخ بيكرهك و مره حبيبه مش قادر توصلها تطاوع عقلك وله تطاوع قلبك و تبلع الطعم

لو طاوعت عقلك ها تنشف و تجف و تت**ر

لو طاوعت قلبك تبقي عبيط

الحياه عايزه ميزان ديما توزنها علشان تعرف تختار و لو اخترت غلط اعترف و بلاش تكابر قول انا اخترت غلط علشان تصلح غلطك

(مشهد من فيلم الكنز بين بشر الكتاتني و عبدالعزيز صدقي)

بدايه الفصل

فضلت قاعد في التراس لحد ما زهقت و رجعت الجناح تاني دخلت انام من التعب و قعدنا فتره في الجونه مش طويله يعني يومين و رجعنا تاني القاهره وصلنا البيت و قعدنا شويه و بعد كده لبست و رحت لي صقر المنيا وصلت هناك المزرعه

صقر : (اخدني بالحضن) اخويا الي واحشني

انا : ابو صقر الغالي

صقر : ملها ايدك

انا : عمك يا سيدي قال عايز دم اديته دم

صقر : و هما يفرقه بالنسبه ليك في ايه كنت سبتهم ياخدوهم

انا : انتا عارف مش بسلم حد شغال معايا ولو كنه راحه مع عمك كان ها يحصل ايه ليهم

صقر : ها تكولهم الديابه

انا :شوفت اهم اترفده و خلاص المهم جاهز

صقر : الانواع الي طلبتها اهم

انا : طيب جميل جدا خليل هات الشنطه من العربيه

خليل : (جاب الشنطه من العربيه و فتحها)

انا : مليون و نص يا صقر عدهم

صقر : اعد وراك انتا حتي تبقي عيب يا صاحبي ها اعد وله مظبوطين

انا : هههههه لسه فيك نفس الخصله لا يا سيدي مظبوطين وله تعد

صقر : لا يا عم كلامك ثقه يله اشوفك بعدين سلام

انا : سلام

مشي صقر و انا ركبت العربيه و معايا الرجاله رحنا البيت في المنيا دخلت و انا معايا المفتاح ذكريات كتير جدا هنا و هناك و في كل حته نزل جمال من فوق

جمال : واحشني يا مازن

انا : انتا اكتر

سما : ميزو عامل ايه

انا : تمام يا سما انتي الي عامله ايه وحشاني

سما : و انتا اكتر

انا : فين محمود

جمال : محمود موازين مخه اختلت خالص

انا : ليه عمل ايه

جمال : عايز ياخد الورث كله ليه و عايز يتجوز جميله

انا : طيب انا مش قولت ليك دخل محمد و عمك مصطفي

جمال : دخلتهم و برده مكبرش حد

انا : و هو فين دلوقتي

جمال : محمد اخده المزرعه اسبوع يعقله شويه

انا : طيب اطلع البس

جمال : ليه

انا : ها نقطع عرق و نسيح دم

جمال : مش فاهم

انا : اطلع البس بس و عمك مصطفي في اجازه وله

جمال : ايوه هنا

انا : طيب اطلع البس و تعاله معايا رايحين ليه

جمال : طيب

انا : سما ما تعملي واجب معايا

سما : عيني خير

انا : اخواتي البنات حبه البسبوسه بتاعتك ما تعملي صنيه لحد ما نرجع

سما : بس كده من العين دي قبل العين دي

انا : تسلمي يا مرات اخويا

طلع جمال و سما فوق و انا قعدت شويه ابكي علشان امي وحشاني جدا و نفسي اشوفها بعد نصف ساعه نزل جمال اخدني و مشينا رحنا بيت عمي مصطفي

مصطفي : يا اهلا و سهلا منور يا مازن واحشني

انا : انتا اكتر يا عمي عامل ايه

مصطفي : كويس يا حبيبي

انا : طيب انا عايزك تيجي معايا مشوار كده

مصطفي : بس كده اجي معاك بس فين

انا : رايح اخطب

مصطفي : الف مب**ك بس مين

انا : خليها مفاجأة

مصطفي : طيب يا سيدي

طلع لبس و نزل اخدتهم و اتحركنا لحد ما وصلنا

مصطفي : هنا يا مازن ازاي

انا : في ايه يا عمي هو في حد انسبه احسن من عمي حسن وله اخد بنت زي جميله

جمال : انتا مجنون يا مازن جميله

انا : و ماله ادب و اخلاق

جمال : ادب ايه و اخلاق ايه اعقل

انا : يله بس انزله

نزله من العربيه و خليت الرجاله جابت دسته جاتوه و شويه حلويات و دخلنا

حسن : (مش طايق امي) جاي ليه يا مازن

انا : انا جاي اطلب ايد بنتك جميله للجواز مني رايك ايه

حسن : (بص ليا و هو مستغرب) كيف

انا : عادي اتجوزها

حسن : (حط رجل على رجل) الرأي رأي اخوها

انا: عماد هنا وله مسافر

حسن : عماد هنا يا عماد يا ولدي

عماد : (كان واقف و رامي ودنه من جوه) خير يا ابويا

حسن : مازن جاي يطلب ايد اختك لي الجواز

عماد : (بص ليا شويه و ابتسم) بس كده انا موافق

انا : طيب احب اسمع طلباتكم

حسن : (لسه ها يتكلم)

عماد : (حط ايده على رجله سكته) مهر اختي نصيب بترسين في القريه

انا : (ابتسمت) دي سهله

عماد : و مؤخر الصداق عشرين مليون

انا : سهله

عماد : تسكن في قصر في القاهره و تبني ليها فيلا هنا علشان لو حبت تنزل البلد

مصطفي : ليه الاميره ديانه

انا : يا عمي مصطفي ده اي كلام شويه فلوس يعني مش مشكله

عماد : يعني موافق

انا : موافق

عماد : الف مب**ك يا جوز اختي

انا : الله يبارك فيك يا اخو مراتي بس انا سمعت انك مدي كلمه لي محمود

حسن : (عمل ع**ط زي الشيخ عرابي في فيلم صرخه نمله) انا يابني محصلش ده هو الي كل يوم يجي و يزن عليا

عماد : تعاله يا مازن نتكلم على جنب شويه و بالمره نكلم المحامي علشان يجهز ال*قود

انا : ماشي بعد اذنكم يا جماعه

قومت انا و عماد

حسن : كيفك يا اخويا

مصطفى : بس يا راجل يا زباله

حسن : ليه بس ده احنا اخوات

مصطفي : اخوات ايه ده انتا راجل زباله

حسن : ههههه كيف محمد بالظبط نفس الدماغ مش قادرين تفهمه فين المصلحه المصلحة يا اخويا هيا الي بتتحرك مش احنا علشان كده محمد عاش و مات فقري في عز ما كان يقدر يطلع مصالح مش شغاله رايس قسم الحسابات في شركه المطاحن و انتا اها زيه ها تعيش و تموت فقري يا ابن امي و ابويا

قومت مع عماد قعدنا في حته بعيده عنهم

عماد : اتفضل يا جوز اختي اقعد اقعد

انا : (قعدت و حطيت رجل على رجل و ولعت سيجاره) يا عماد قرب الطفايه

عماد : عيني (قرب الطفايه)

انا : قولي يا عماد علشان نخلص الدور الي بنا ده عايز اعرف انتا ازاي خلتني ابعد عن فريده

عماد : انا خليتك تبعد عن فريده

انا : (ابتسمت بسخريه و طلعت التلفون و قفلته قدامه) بص قصه فريده خلصانه بالنسبه ليا بس انا عايز اعرف علشان انا مش مجنون

عماد : لا انتا مجنون

انا : عماد متخفش مفيش تسجيل و لعب العيال القديم ده قولي بس

عماد : الحقيقه انك مجنون يا مازن مجنون علشان كنت تخبي على امك و تيجي تحكي لي امي يابني محدش بيعمل على مصلحتك اكتر من امك مجنون علشان بتصدق اي حاجه تشوفها كل حاجه قدامك خيال و ليها اصل كنت اتصل بيك من اي كافيه الحق دي فريده قاعده مع واحد تيجي زي الاهبل و ساعتها كنت اقولك دول مشيه الصراحه كنت بتصعب عليا و انتا مصدق لحد ما خليت واحده صاحبتها تقعدها مع اخو صاحبتها و تشوفهم انتا الصراحه فريده كانت صعبه جدا اول ما تشوف اخو واحده من صاحبتها قعد تقوم على طول

انا : بس انتا عجبتني الصراحه لما اخدتهم كلهم و شغلتهم عند حماك

عماد : مينفعش ابيع حد وقف جنبي

انا : و اخرهم يسري صح الي حط الم**رات ليا و بسببه امي ماتت صح قولي يا عماد لما تاخد حاجه بالنصب و الحيله بتستمتع بيها طيب بتحب الموضوع يعني لما تبص في وش يسري كل يوم الصبح و انتا عارف انه خاين عادي طيب لما تنام في السرير جنب فريده و تبص في وشها مش بتقول انه كانت المفروض لي مازن مازن كان بيحبها مازن كان بيعشقها طيب لما قعدت مع محمود و عشمتها انه يتجوز اختك و اختك طلعه دخله قدامه باللبس الديق و العريان مش حاسس انك د**ث او انك سبب في موت امه قولي طيب انتا بتحس زينا وله لا افتكر انه لا

عماد : (عليه برود الدنيا و الاخره) لا

انا : علشان انتا جلدك تخين زي الخنازير انتا عارف اني الخنزير مش بيدبح علشان عنده دهن كتير عند رقبته يعمل ايه يغزوه بالسيخ و انا لبستك السيخ يا عمده (طلعت حاجه من جيبي هو جهاز تنصت صغير خالص) شوفت السيخ انا مش ها عرف فريده لا علشان فريده مبقتش تهمني دلوقتي خلاص بس محمود عرف الحقيقه الحقيقة بتاعتك يا زباله

قومت و سبته

انا : يله يا جمال يله يا عمي

حسن : طيب مش نقراء الفاتحه يا جوز بنتي

انا : بس يا راجل يا دلدول يله يا عمي

طلعنا بره و ركبنا العربيه فهمتهم كل حاجه من اولها لي اخرها رحنا البيت عندنا محمود كان قاعد مع محمد

محمد : (اخدني بالحضن) واحشني يا مازن

انا : و انتا اكتر يا اخويا عامل ايه

محمد : تمام

محمود : انا ها قتلهم كلهم (قام بسرعه)

محمد : (مسكه) تقتل مين هو انا لازم كل مره اعقل واحد فيكم في ايه يا ولاد خالتي محمود اعقل يا حبيبي

محمود : ازاي بعد الي عرفته ده كله و تقولي اعقل

انا : اعقل علشان تعرف تاخد حقك كويس مش فتونه و كام طلقه هيا لا دماغ اد*ك شوف واحد شغل دماغه لعب بينا كلنا

محمود : (م**وف و مش عايز يبص في عيني)

انا : (عدلت وشله ليا) اخويا مينفعش يبص بعيد وله يت**ف فاهم تعاله (اخدته و دخلنا البلكونه)

جمال : اخيراً الواحد ارتاح من الهم ده

محمد : خلاص خلصت (اخد الجهاز الصغير الي كان معايا و حطه في جيبه)

مصطفي : اوعي تتمسك به

جمال : اشمعنا

مصطفي : لو اتمسك به فيها بدله حمره دي قضيه تخابر

محمد : و مين ها يطلعني غيرك يعني

مصطفي : ساعتها رقمك بقدره قادر نزل بلاك لست

محمد : هههههه ماشي يا حج مصطفي

طلعت من البلكونه و معايا محمود

محمد : اسمعه انته التلاته محدش فيكم يتصل عليا تاني فهمين وله كاني وله ماني لو حد فيكم اتصل يبقي علشان يعزمني على غداء عشاء اكل اي حاجه حلوه ماشي

انا : خلاص ده انتا فضيحه بس انا جعان جدا

جمال : اخلي سما تحضر الغداء

انا : لا سما ايه بس انا واحشني اكل طنط حنان

مصطفي : بس كده الغداء عندي يا سيدي يله على البيت عندي

محمد: يله

انا :انتا تلحق تروح الجبل انا مش فاهم على طول قاعد هناك تعمل ايه انتا عليك طار

محمد : ماشي يا مازن انا عليا طار

مصطفي : انتا ها تعيط تعاله يا عم نغد*ك علشان متزعلش

محمد : اذا كان كده ماشي يله

نزلنا كلنا و رحنا بيت عمي مصطفي قعدنا شويه

نور : (بنت عمي مصطفي ) ماما فين الشوز بتاعي (كانت لبسه بيجامه بيتي بس كان شكلها يضحك في البيجامه الصراحه التي شرت مش تبع البنطلون وله حاجه اول ما شف*نا و شافت محمود ات**فت و طلعت تجري)

انا : (بصيت لي محمود) عمي مصطفي انتا واحشني جدا

مصطفي : و انتا اكتر يا غالي

انا : طيب لما انا غالي يبقي ليا عندك طلب و مش عايز رفض

مصطفي : عيني ليك يا مازن خير عندك مشكله

انا : الصراحه ايوه

مصطفي :ايه هيا

انا : محمود

مصطفي : ايه رجع يتجنين تاني

انا : لا بس عايزه يزيد عقل و الصراحه مش عجباني قعدته لوحده كده عايز اجوزه

مصطفي: بس كده يشاور و انا اجبله ست البنات

نور : (طلعت من الاوضه و هيا لبسه و متشيكه) مساء الخير

انا : ست البنات يا عمي تبقي نور عايزها لي محمود

نور : (وشها قلب احمر و لفت علشان تمشي بسرعه خبطت في الباب من التوتر بس بسرعه طلعت من الصالون و بعدها سمعنا صوت خبط في باب و اتفتح و اتقفل بسرعه)

انا : اظن الهبل ده دليل كافي يا سيادت ال*قيد

مصطفي : انا قولت عيني مش بنتي

انا : تعزها علينا

مصطفي : اعزها على الدنيا

انا : طيب علشان خاطري و خاطر ابويا هارون و ابويا محمد و امي اكيد مش ها تبقي مرتاحه و مطمئنه على محمود غير لما يكون مع حد كويس و مفيش كويس غير بنتك نور

مصطفي : (بص شويه و فكر) طيب يا مازن

انا : قول طلباتك يا عمي مصطفي

مصطفي : طلبات ايه بس

انا : طيب خد وقتك و شوف الدنيا فيها ايه و خد رأي اخواتها و كمان امها ماشي

مصطفي : ماشي يله نتغدا دلوقتي و نشوف الموضوع ده

انا : طيب يله

رحنا السفره و قعد عمي و قعدنا كلنا بس نور في الاوضه بتعتها اكلنا و شربنا القهوه و مشينا ركبت انا و جمال و محمود

انا : شوفت يا سيدي

محمود : شوفت ايه

انا : نور دخلت بسرعه اول ما شافتك غيرت لبسها و اتزوقت بس علشانك انتا

محمود : بس انا مش بحبها

انا : تبقي ع**ط هو انا اخدت ايه من الحب غير خازوق مغري

جمال : خد الي بتحبك

انا: و دي بنت متربيه صح مش جميله تحب اجبلك الناس الي مشيه مع جميله تحب اجبلك من كل واحد فيهم مقاسات لبسها كمان محمود دي واحده تنزل من بيتك و تقعد تفكر هيا بتخونك دلوقتي مع مين اما نور تنزل و انتا عارف اني في البيت راجل بجد مش ست عامله راجل لا لو واحد بص ليها تفتح دماغه دي فتحت دماغ اخو سما لما حب يلطف معاها في الكافيه عندي بدون مقدمات مسكت الكبايه من على البار و خبطتها في دماغه عدل شوفت يا سيدي

جمال : الصراحه هيا بنت كويسه جدا

انا : شوفت

محمود : طيب يا مازن موافق

انا : مش بمزاجك الجوازه دي ها تم اسيبك انا و جمال يسافر يشوف شغله و نسيبك لي الضياع لا خلاص اسبوع وله اتنين و اكلم عمك مصطفي

محمود : ماشي يا مازن

انا : جدع

خليل : (كان سايق العربيه) وصلنا يا مازن بيه

انا : طيب

نزلنا كلنا طلعنا الشقه بتعت امي اخدت عده القهوه بتاعت امي و كمان صنيه البسبوسه من سما و ركبت العربيه و اتحركنا على القاهره وصلت البيت و دخلت

انا : ايه يا سحر قاعده كده ليه

سحر : كنت قلقانه عليك

انا : ليه انا اهو

سحر : علشان محمود المجنون ده

انا : (فردت جسمي و حطيت راسي على رجلها) خلاص مشكلتي مع محمود اتحلت اتصالحنا و خطبت ليه نور بنت عمي مصطفي

سحر : ايه الاخبار الحلوه دي بس

انا : انا مبسوط جدا من الموضوع ده و اني خلصت من هم محمود خلاص

سحر : طيب و همك انتا يا حبيبي

انا : همي ليه هو انا عندي هم

سحر : نفسي افرح بيك

انا : مش لما اجوز اخواتي البنات الاول و بعدها افكر في نفسي

سحر : اخواتك ايه كل واحد فيهم مش عايزه تتجوز و قاعده

انا : لا مفيش قعده بكره يجي الشخص المناسب لي كل واحده فيهم و ساعتها هما الي ها يبقه عايزين يتجوزه بسرعه كمان

سحر : نفسي يا مازن نفسي اغمض عين و افتحها القيك مع عروستك و ابنك و القي كل واحده فيهم متجوزه و مخلفه

انا : بكره الحلم يبقي حقيقه

سحر : عملت ايه في شغلك

انا : استلمت ال*قارب النهارده و بكره امضي ال*قد مع شركه الادويه و اول دفعه تطلع ها تكون اول الاسبوع

سحر : طيب يا حبيبي

انا : فين البنات

سحر : هند في الاوضه بتاعتها و اميره بره و علياء بتاخد ورشه علشان الشغل و نغم نايمه

انا :طيب انا عايز اعمل حاجه لي هند

سحر : تعمل ايه

انا : هيا هند اشتغلت قبل كده

سحر : اشتغلت فتره و بعد كده اتجوزت الزفت ده

انا : طيب عايز اشوف مكان ينفع تفتح فيه عياده ليها

سحر : عندك حق الشغل ها يشغلها عن التفكير

انا :طيب انا طالع فوق اريح

سحر : طيب يا حبيبي

طلعت فوق الاوضه غيرت هدوني و ريحت على السرير لقيت على الكمودينه ورقه فتحتها (مازن لو سحر ما سابتش القريه الي في شرم الشيخ اخرك طلقه في دماغك) قفلت الورقه و اشتغل ض*ب نار عليا في الاوضه مش عارف جاي منين وله من انهي حته بس نمت على بطني على الارض و زحفت لحد الباب و سندته برجلي علشان محدش يفتحه وقف ض*ب النار و انا فتحت الباب و طلعت بره كنت خايف جدا

سحر :مازن مازن انتا كويس ايه الي حصل

ريان : (بيعيط جامد)

هند : مازن

انا : انا كويس كويس محدش يخاف

نغم : ايه الي حصل

انا : مش عارف

سحر : طيب تعاله تحت طيب

وقفت على رجلي و انا بترعش من الخوف نزلت تحت و هما معايا و خليل دخل يجري و الشغاله جبتلي لمون

سحر : ايه الي حصل يا خليل

خليل : عربيتن وقفه جنب السور من ناحيه اوضه مازن بيه واحده ض*بت على الاوضه و التانيه ض*بت علينا و معرفناش نصد

سحر : طيب بلغ بسرعه

انا : لا

سحر :ازاي لازم نبلغ

انا : انا قولت لا (اديت سحر الورقه)

سحر : (فتحت الورقه) يا كلب يا عمر انا ها حبسه

انا : خليل

خليل : ايوه

انا : الرجاله الي طلبتها منك جاهزه

خليل : جاهز منهم خمسه بس

انا : عملت ليهم الاختبار

خليل : نجحه

انا : طيب عايز عمر تحت رجلي دلوقتي

خليل : حصل (طلع بره القصر)

سحر :انتا بتفكر في ايه

انا : في كتير اوي

هند :طيب اهدي و فكر و انتا هادي بلاش النرفزه دي

انا : بالع** انا لو هديت ها سيبه و انا مش ها سيبه هو عنده اولاد

سحر : ملكش دعوه بعيال عمر لو ها تحاسب حسبه هو مش اي حد تاني

انا : عنده

سحر : انا بحذرك ملكش دعوه بيهم دول بنات لو جيت عليهم انا الي ها قفلك

انا :طيب

سبتهم و دخلت مكتب جوه القصر نفسه كان مكتب شيك جدا و دي اول مره ادخله قعدت فيه بحرق في سجاير كتير جدا لحد ما خليل رجع

خليل : اختفي

انا : ازاي

خليل : رحنا الفيلا بتاعته كان اختفي

انا : ها يكون راح فين

خليل: محدش عارف

انا : طيب من بكره البلد كلها تعرف ان القريه دي باسمي انا مش حد تاني

خليل :ماشي بس ليه

انا : اسمع الكلام و من بكره الحراسه تكون من على الطريق بره و تزود الحرس عايز جيش جرار ماشي

خليل : حرس الطريق ده ها يعمل مشاكل مع الحكومه

انا : لا مش على الطريق بره خالص لا بعد الطريق بشويه

خليل :ماشي بس ها ياخد وقت شويه علشان الرجاله الي طالبها مش سهل تلاقيها

انا :ماشي ماشي بس خلي الرجاله تفتح عنيها النهارده و محدش يطلع من هنا غير و معاه حراسه اتفضل انتا

خليل : بعد اذنك

طلع خليل و انا هديت النور و فضلت قاعد لحد الفجر بفكر ها عمل ايه مع عمر ده مش عارف لحد ما زهقت و طلعت بره لقيت النور هادي خالص بره و صوت الباب اتفتح و حد داخل يتسحب لحد ما شوفته كانت اميرة الصراحه قلقت اكتر مكنش فيا دماغ ادخل في نقاش معاها و خصوصاً لسنها طويل طلعت الاوضه بتاعتي و نمت تاني يوم صحيت على الشغاله نزلت تحت كانه على السفره

انا : صباح الخير يا جماعه

هند : صباح النور اقعد

انا : بقولكم ايه عايزين نتفق على نظام مع بعض

علياء : نظام ايه

انا : نظام الصراحه يعني نصارح بعضنا بكل حاجه زي مثلاً هند ايه رايك تفتحي عياده لي شغلك

هند : العياده ها تاخد كل وقتي

انا : بالع** في الاول بس و لو على ريان احنا اهو في البيت يعني مش ها يقعد لوحده علياء كنتي فين امبارح

علياء : كان عندي ورشه مع اصحابي علشان مشروع التخرج

انا : و رجعتي الساعه كام

عليا : الساعه 12 بليل

انا : كويس بس بعد كده لو ها تأخري تاخدي معاكي سواق علشان مينفعش ترجعي بليل لوحدك

علياء : ماشي

انا : نغم

نغم : كنت نايمه امبارح طول اليوم

انا : انا عارف انتي درسه بزنس ليه مش بتشتغلي بالشهاده دي

نغم: انا بحب النوم

انا : لا ال**ل ده مش ها ينفع في بنات تتمني ربع فرصه شغل و انتي عندك شغل مش عايزه تشتغلي ليه

نغم : خلاص ها فكر

انا : طيب يا

أميره : (وشها اصفر)

انا : يا سحر

سحر : ايه ها تحقق معايا انا كمان

انا : لا يا ست الكل انا عايزك تشوفي شغل لي نغم

سحر : بس كده سهل

انا :طيب انا طالع البس علشان نازل

سحر : نازل فين

انا : رايح امضي عقد بتاع شركه الادويه

هند : لا اجل ال*قد خليك لحسن تحصل حاجه

انا : ليه انتي خايفه من ايه

سحر : ايوه ازم نخاف عليك

علياء : انتا ممكن تطلبهم هنا

انا : انا مش ها خاف من شويه كلاب انا مش فار اعيش في جحر و مطلعش منه انا خارج يعني خارج

طلعت البس و نزلت تحت طلعت بره القصر

خليل : العربيه جاهزه

انا : طيب انا طالع لوحدي

خليل : لا مش ها ينفع

انا : لا ينفع (فتحت الباب و قعدت على الطاره) خليل هات علبه سجايرك

خليل : اتفضل (طلع علبه سجايره)

انا: (اخدت منها سيجاره و رجعتها ليه) يله سلام

اتحركت بالعربيه و رحت شركه ادويه دخلت

سكرتيره : ايوه

انا : في معاد امضاء عقد النهارده مع استاذ محمد

سكرتيره : اسم حضرتك ايه

انا :مازن هارون الخديوي

سكرتيره : طيب اتفضل ارتاح

انا : شكرا

قعدت عشر دقيق و دخلت المكتب

محمد : اهلا مازن بيه شرفت

انا : شكرا يا استاذ محمد

محمد : اتفضل

انا : (قعدت) شكرا

محمد : انا الصراحه مكنتش متخيل انك ها تكون جاهز في ظرف شهر اصل نوع ال*قارب ده نادر جدا و صعب انك تلاقيه

انا : مفيش حاجه صعبه يا استاذ محمد المهم انك تروح للشخص المناسب و تطلب منه

محمد : صح يا مازن بيه لازم الشخص المناسب ال*قد جاهز و اول دفعه ها تسلمها اول الشهر

انا : طيب بس معاد دفع الفلوس نص قبل الدفعه و النص التاني بعدها

محمد: لا انتا ها تاخد 10٪ و بعد كده تاخد الباقي على دفعات

انا : طيب معطلكش علشان عندي معاد في شركه تانيه استاذ محمد انا مش بطلع قسط

محمد : طيب اهدي نتكلم اقعد بس

انا : لا قبل ما اقعد بعد كلامك ده اخد حسابي كامل قبل ما اطلع اي حاجه

محمد: و هو ايه الي اختلف

انا: قبل ما اسمع الكلام ده محمد انا مش محتاج لي شويه الفلوس دي و لو قريت اسمي كويس ها تلقيه مازن هارون الخديوي ابويا هارون الخديوي

محمد : طيب نتكلم

انا : نتكلم لما نخلص ال*قود بشروطي انا

محمد : مش ها ينفع دي سياسه شركه

انا : تولع الشركه ها نخلص وله الحق الميعاد التاني

محمد : (فكر شويه) طيب اتفضل اقعد الاول

انا : ماشي (قعدت)

بعد شويه السكرتيره جابت ال*قود مضيت و خلصتها و نزلت من الشركه و ركبت العربيه ماشي في طريقي لقيت عربيتن وقفه قدامي و نزل منها ناس بسلاح

شخص : (رافع المسدس في وشي و لبس مسك) انزل انزل (جيه عند الباب وفتحه نزلني على الارض) خدوه

رموني في العربيه و انا متغمي و اتحركه نزلوني و انا مش عارف انا فين او شايف لحد ما حسيت اني ايدي مربوطه و بتترفع لي فوق شاله الي على عيني لقيت نفسي في مخزن مهجور و ايدي مربوطه و مرفوعه لي فوق و حوليا حراسه كبيره

انا : انتا مين و عايز ايه انته مش عارفين انا مين

شخص : لا عارفين يا روح امك (ض*بني بونيه في وشي) اخرس لحد ما الباشا يوصل

انا : (اخدت البونيه و سكت اصلي بطولي)

بعد شويه دخلت عربيه و نزل منها عمر

عمر : عفارم يا رجاله منور يا مازن

انا : خالو عمر عامل ايه كان نفسي ابوسك الصراحه بس انا مربوط

عمر : (قرب مني و مسكني من شعري) انتا قعدت تعمل راجل اد*ك لبست كان لزمته ايه

انا : لزومه اني لو معملتش راجل مستحقش اسمي

عمر : اسمع يا مازن انا عندي استعداد اسيبك عايش و تمشي بس تبيع القريه و هادفع بس اشتريها

انا : مهمه القريه دي اوي كده

عمر: جدا

انا : خلاص انا مش ها بيع

عمر: طيب مش بمزاجك وضبوه

انا : (لقيت الرجاله الي في المخزن بيقربه مني ده انا هاكل ض*ب)

و فعلا نزله فيا ض*ب لحد ما زهقه بس ايه الصراحه وضبوني بجد وشي كله جروح و بينزل دم ضلوع القفص الص*ري بتعتي مش حاسس بيها خالص و بنزل دم من بوقي بعد ما ات**ر سنا او اتنين

عمر : (قاعد على كرسي و بيشرب سيجاره) مكنش المفروض يحصل كده لا الخطه المحطوطه هيا اني امك تتجوز بس مش ابوك و ابويا يوزع الورث بالعدل مش يكتبه باسم امك و انتا مش المفروض تكون موجود اصلاً بس نقول ايه في عقليه ابوك المتخلفه خلف اربع بنات كفايه بس ازي لزم يجيب ولد اد*ك جيت الدنيا طلع عينك و لسه ها يطلع الغلطه دي غلطه ابوك انتا مش انا لا ابوك هو السبب

في مشهد اخر

نغم مع واحد اسمه سراج تعرفه من ايام الدراسه و كمان واحد اسمه كمال

نغم : يعني انا لو اخدت الحبايه دي كده خلاص

سراج : الدكتور بيقول انها نسبه كبيره ها تنزل الجنين

كمال : بلاش يا نغم ده خطر

سراج : و انتا تعرف منين ها

كمال :هو انا سباك انا صيدلي

سراج :اسكت انتا بس

نغم : طيب ليه منعلنش جوازنا لي الناس

سراج : انتي عرفه لو قولنا كده ها يقوله ابن السفير و ابنه المليونيره متزوجين في السر و حامل منه فضيحه كبيره بس بعد ما تنزلي الجنين نقدر نعلن ال*قد العرفي

نغم : يعني

سراج : مش واثقه فيا طيب انتي جبتي ال*قد معاكي.

نغم : ايوه

سراج : طيب انا ها بين حسن نيه انتي تاخد الحبايه و تدخلي جوه تريحي شويه و بليل تصحي من النوم اجيب مأذون

نغم : بجد يا حبيبي

سراج : طبعا يا حياتي خدي اشربي مايه و ادخلي ارتاحي شويه و بعد ما تصحي اكون جهزت كل حاجه

نغم: ماشي

اخدت البرشام و دخلت الاوضه جوه بعد ساعه

كمال : انا مش مرتاح

سراج : وطي صوتك بس

كمال : يابني نغم دي بنت طيب و وثقت فيك ازي تعمل فيها كده

سراج : انا عملت كل حاجه بمزاجها و بعدين خلاص

كمال : طيب انا رايح اجيب المأذون

سراج : مأذون ايه بس انتا كمان

نغم : (طلعت من الاوضه بتسرخ جامد) اه الحقني يا سراج اه (هودمها فيها بقعة دم من تحت )

سراج : طيب عادي

كمال : لا مش عادي (بص على الدم الي نازل و مغرق البنطلون) الدم احمر المفروض ينزل وردي لازم تروح ل دكتور حالاً

سراج : دكتور ايه نروح مستشفي يله

اخدهم و نزله ركب عربيه نغم و اتحركه على المستشفي نزل كمال بسرعه على الاستقبال

كمال : ترولي بسرعه معايا حاله

طلعه معاه نزله نغم من العربيه

سراج : كمال يله

كمال : يله ايه لازم نطمن عليها

سراج : طيب طيب ادخل انتا و انا هاركن و جاي وراك و شوف لو في اي ورق خلصه على ما اجي بسرعه

كمال : حاضر

دخل كمال يجري و سراج دخل العربيه فتح التبلوه و لقي فيه ال*قد العرفي و نزل من العربيه ركب تا**ي معدي قال في سره (البس يا دكر) اتحرك بسرعه

في مشهد اخر

شخص مجهول قاعد على جزيره مكانها غير معروف قاعد يصيد سمك و رحله واحد تاني المساعد بتاعه

شخص : جاي ليه

مساعد : عمر خلف وعده و خ*ف مازن الخديوي

شخص : غ*ي عمر طول عمره غ*ي مش فاهم ان مازن عامل زي السمك علشان تصيده لازم تصبر اسمع احرق كاىت عمر الخديوي و طلع كروت اللعبه الجديده و حضر طياره لازم اكون في مصر (رمي الصنارة)

المشهد الريسي

لسه مربوط في المخزن

انا : (بضحك) هههههههه

عمر : بتضحك على ايه

انا : عليك الصراحه تدحك علشان لحد دلوقتي مش فاهمني انا زي ابويا مش هسلم بسهوله عايز تقتلني اقتلني من شابه اباه فما ظلم ههههههه

عمر : انا مش ها قتلك بس ها خليك تتمني الموت الف مره

انا : لو انا فضلت عايش انتا ها تموت على ايدي انا يا خال

ض*ب النار اشتغل و رجاله عمر وقعه واحد وره التاني مفضلش معاه غير اتنين بس دخل خليل و معاه الرجاله امنه عليا و فكني وقعت في الاول بس سحبت المسدس من جنبه

انا : معايا

خليل : رايح فين

انا : ها قتله

مشيت و انا ضاغط على نفسي بالعافيه و معايا خليل و الرجاله ماشي و عمر بيجري هو و رجالته وقفه يأمنه ض*ب خليل واحد و انا ض*بت التاني عمر كان بيحاول يفتح باب بس كان مقفول ض*بته بالنار في رجله وقع

عمر : مازن ارجوك بلاش تقتلني ارجوك انا خالك و بعدين و بعدين انا ض*بتك بس ارجوك

انا : ض*بتني بس و اسيبك تبقي ع**ط انا ايوه مش ها سلم زي ابويا بس مش ها سيبك عايش و استني رصاصه غدر منك في ضهري

عمر : ارجوك لا ارجوك انا انا مجرد لعبه ارجوك انا لعبه في ايد حد تاني ابوس ايدك

انا : و دور اللعب الي زيك انها تت**ر و يجي مكانها حاجه جديده (ض*بته طلقه في قلبه)

لفيت ضهري ليه و سمعت صوت تلفون بيرن من جيب عمر اخدته لقيت برايفت نمبر

انا : الو

شخص : (مستخدم خاصيه لي تغير الصوت) شاطر يا مازن بقيت قاتل

انا : مين معايا

شخص : انا يا سيدي الي كنت بلعب بعمر

انا : شاطر بس شكلك طفل اناني و بيحب ي**ر لعبه بنفسه بس انا طفل رخم و **رت لعبتك ها تيجي ا**رك انتا كمان وله كفايه كده

شخص : هههههههه و تقولي من شابه اباه فا ظلم يا راجل ده انتا اذكي من ابوك بكتير بس ماشي انا كده كدة في مصر دلوقتي و اللعب معايا غير عمر

انا : اللعب بشروطي انا و صدقني انا طفل رخم جدا و بحب احط شروط في نص اللعبه ها تستحمل رخامتي

شخص : اقدر استحملها بس انتا استحمل عواقب اللعب معايا سلام يا مازن

قفل السكه و انا وقعت على الارض من التعب و خليل سندني

انا : اخرت ليه

خليل : على ما لقيت الورقه الي في علبه السجاير

انا : ليه بقالك ست ساعات مشربتش سيجاره

خليل : ليه هو انا حريقه زيك

انا : طيب شيل انتا و الرجاله نروح مستشفي وله نشوف حد يظبط الشلفطه دي يله

في مشهد اخر

الشخص الي كنت بكلمه قاعد في طياره خاصه و معاه المساعد بتاعه

شخص : افتح ملف فيه اسمه

المساعد : طيب اعين فريق يخلص منه

شخص : مازن مش ها يموت خالص عايزه عايش

المساعد : اشمعنا

شخص : عايزه في المرحله الجايه مازن دماغ و انا عايز الدماغ دي بس علشان **ر اللعبه بتعتي لزم يتعاقب اسمع غير الحرس كلهم و عايز رجالتنا احنا ماشي

المساعد : ماشي

قامه الاتنين و طلعه بره الطياره و هيا اساسا كانت على الارض في مصر

المشهد العام

مازن كان يتمني انه ميقتلش حد بس زي ما قولت الدنيا كل يوم تجبرنا على حاجه كل يوم اختبار يا تعيش يا تموت و لو ها تعيش تعيش ازي و لو ها تموت تموت ازي دنيا غريبه

يتبع.....