"Mommy, papasok ka na po sa work?" tanong sa akin ni Cedric, pagkatapos ko siyang bihisan ng damit niya.
Tumango ako. "Papasok sa work si Mommy para hindi ka magutom anak."
"Si Daddy, papasok din sa work niya. Ako na lang ulit mag-isa," malungkot na sabi ni Cedric.
Hindi ko naman talaga kailangan pumasok sa opisina araw-araw dahil hindi naman ako empleyado. Gusto ko lang talagang pumasok para galitin si Aldrin lalo na ang magulang niya. Gusto kong ako ang dahilan ng pagtaas ng dugo nila at pagkasira ng araw nila. Gusto ko silang mamatay sa galit sa akin.
Sinuklay ko ang buhok ni Cedric. "Babalik din agad si Mommy at ibibili kita ang laruan."
"Gusto ko na po bumalik sa Hacienda para lagi kitang kasama."
Niyakap ko siya. "Anak, hayaan mo at babalik din tayo sa Hacienda."
"Miss ko na p
