Chapter 20
Maagang bumangon si Luna para gisingin din si Martin. Nagtungo siya sa tinutuluyan nitong kwarto. Noong una ay kumakatok lang siya, pero dahil walang naging sagot sa kanya ang binata, nagpasya na siyang buksan ang pinto ng kwarto at pumasok sa loob. Saka niya nakita na mahimbing pa itong natutulog at nakadapa sa kama.
Nagdalawang isip pa siya kung gigisingin ba niya ito o hahayaan na lamang niya itong matulog? Pero kapag iniwan naman niya ito, naisip niyang baka mabagot lang ito dahil wala itong kasama o makakausap dito sa bahay. Bandang huli ay ginising na lamang niya ito.
"Kumag, gising na," tawag pa niya rito habang tinatapik sa binti.
Pero wala naman itong naging reaksyon. Tinapik-tapik pa niya itong muli sa binti pero nang hindi pa rin ito tumugon ay sinabunutan na niy
