Chapter 21
Maya't-maya kung bulungan ni Martin si Luna para tanungin ito.
"Kaya mo pa ba? Uwi na tayo?" Tanong muli ni Martin.
Si Luna naman ang panay ang papak sa pulutan na isda. Hindi na mabilang ni Martin sa daliri niya kung ilang beses nang tumagay si Luna ng lambanog.
"Sige na, una ka na. Mamaya na ako. Susunod din kaagad ako sa'yo," tugon nito pero halata na ni Martin na mapungay na ang mga mata nito ngayon.
"Lasing ka na yata eh," sabi pa ni Martin.
"Hindi ako lasing. Ayos na ayos pa ako, oh. Sunod na lang ako mamaya pauwi," mabilis na tugon naman ni Luna.
"Hindi ako mauuna. Ikaw 'tong inaaya ko pauwi, tapos ako lang ang papauwiin mo? Hihintayin na kita," tugon din naman ni Martin.
"Sige. Paki-abot mo nga 'yong alamang. Ang sarap nitong mangga kahit mahapdi sa tiyan 'yong
