CHAPTER 20
Nang makahabol si Adam sa sakayan ay kasabay naman ng pagdating ng jeep. Mabilis na sumakay si Ricci kasunod si Adam. Tumabi ito sa kanya. Nakita ni Ricci na iniisa-isang tinitignan ni Adam ang naabutan nilang mga pasahero. Halatang naninibaguhan at naasiwa. May kaba at takot.
"Bayad ho." Nakikisuyo ang pasahero at iniaabot ang barya kay Adam ngunit hindi niya iyon tinatanggap.
"Kuya, pasuyo ho ang bayad. Isang istudiyante po 'yan."
"Miss mukha ba akong tigasingil ng pamasahe?" naguguluhang tanong ni Adam.
Natawa si Ricci. "Nakikisuyo siyang ipasa mo yung bayad niya sa driver."
"Ha? Gano'n ba 'yun." Napangiti siya. Kinuha niya ang inaabot ng babaeng barya saka niya ibinigay kay Ricci. "Ikaw na ngang mag-abot," pabulong.
"Ma, bayad daw ho, istudiyante." Iniabot na muna ni
