POSIBLE bang maging sobrang saya? As in ‘yong tipong ayaw mo umusad ang oras at manatili lang sa sandaling ‘yon kasi napakasaya mo? Dati hindi naisip ni Lyn na mangyayari sa kaniya ang ganoong klase ng kaligayahan. Hindi na siya naniwalang posible ‘yon sa kaniya since eight years ago. Pero ngayon, habang nagtatawanan sila ni Benedict at lumalangoy, parang puputok ang dibdib niya sa sobrang saya.
Nang mapagod sila lumangoy nagpahinga sila sa ilalim ng puno. Inilabas niya ang mga pagkaing hinanda niya para sa tanghalian nila. “Noong nakaraan ako ang nilibre mo ng pagkain. Ngayon ako naman ang manlilibre sa ‘yo. Hindi ako kasing galing ng chef ‘don sa restaurant na pinagdalhan mo sa ‘kin. Pagtiyagaan mo na lang ha?”
“Hindi ko pagti-tiyagaan. I will enjoy it,” n
