CHAPTER 21
HINDI NAMAN nagtagal ang naging byahe nina Zia at Luna patungo sa Hotel kung saan sila susunduin ng yacht. Sa The Manila Hotel sila nag-check in habang hawak nila ang mga paper bags nila. Kabado siya kung ano ang mangyayari sa yacht party mamaya dahil wala naman siyang kakilala roon. Wala namang sinabi si Luna kung sino-sino ang mga maaaring makasama nila. Kahit ang pangalan ay walang binanggit sa kaniya.
Sa ngayon ay wala naman siyang ibang iniisip. Hindi niya iniisip na baka may makakilala sa kaniya. Kahit paano ay panatag siya na wala dahil sa disguise niya ngayon. Ang ikinakaba niya ay ang baka mamaya ay magkamali siya ng sagot kapag tinanong siya tungkol sa pagiging girlfriend niya kay Luna. Anong isasagot niya? Wala dahil wala namang binanggit ang boss niya.
Tumigil si
