Nanlaki ang mga mata ni Millie sa gulat dahil hindi niya inaasahan na ang Mrs. Reyes pala na ka-meeting ng kanyang boss ay walang iba kundi ang Ma'am Esmeralda na kakilala niya. Hindi niya akalain na President pala ito ng isang malaking kumpanya dahil tunay namang napakabait nito sa kanilang maglola at hindi makikitaan ni katiting na yabang sa katawan. Lalo na kapag nasa bahay lamang ito, simple lang kung ito ay manamit na tila isang simpleng tao lamang.
Napatingin lamang siya dito na tila nagtatanong subalit hindi siya nito sinulyapan. Imbes ay nakasimangot na ito habang nakatingin kay Ms. Del Rosario.
Tumayo din si Joaquin at binati si Mrs. Reyes.
"Good morning, Mrs. Reyes," sabi nito habang iniaabot ang kamay para sa isang handshake.
Nakipagkamay naman dito si Mrs. Reyes subalit ser
