Inisip ni Millie kung saan at kailan niya narinig ang boses ng lalaki. Subalit hindi niya maalala kaya ipinagkibit balikat na lamang niya ito. Tuluyan na siyang lumabas ng opisina at tumungo sa parking kung saan hinihintay na siya ni Mang Felix.
Sobrang laking pasasalamat niya sa kanyang boss dahil kahit minsan ay hindi sila nito sabay umuwi ay hindi naman nito hinahayaan na mag-commute siya. Pinapahatid pa din siya nito kay Mang Felix pauwi sa mansion.
"Mang Felix, ok lang po ba kung sa mall niyo na lang po ako ihatid? May bibilin po kasi ako. Magko-commute na lang po ako pauwi sa mansion." Magalang na saad niya sa driver dahil naalala niya na paubos na ang kanyang toiletries.
"Ok lang, Millie. Pero hindi ka maaaring mag-commute. Hihintayin na lang kita. Kabilin-bilinan kasi sa akin ni
