Maagang nagising si Erin dahil sa ingay ng cellphone niya nang tingnan niya ito ay puro tawag galing kay Gayle. Hindi niya malaman kung ano na naman ang binabalak ng pinsan niya. Iniiwasan na nga niya ito pero paulit-ulit pa din siyang ginugulo.
Nang tingnan niya muli ang cellphone niya ay sandamakmak ang mga mensaheng pinadala sa kaniya. Binuksan niya isa-isa ang mga ito para malaman kung ano talaga ang pakay nito sa kaniya.
Kinagulat naman niya ang mga nabasa niya.
"Nakikiusap ako Erin, papuntahin mo si Jicko sa bahay kailangan siya ng anak ko."
"Erin, dinala namin si Austin sa hospital hindi ko makontak si Jicko. Please nakikiusap ako pakisabi kay Jicko puntahan niya kami."
Paulit-ulit na nakikiusap si Gayle sa kaniya. Sinubukan din niyang tawagan si Jicko pero nakapatay ang cellph
