Deserie "Andeng" Salvacion
Sobrang kaba at pag-aalala ang aking nararamdaman dahil sa mga nangyari. Paikot-ikot na nga ako sa hallway ng police station para lang pakalmahin ang sarili. “Mag-isip ka naman!” usal sa aking sarili. Salamat sa isang pulis na nabanggit si Tyler kaya siya ang una kong tinawagan. Nang makausap siya ay naging panatag ako, kahit papaano.
Umupo ako sa tabi ni Cobie na hanggang ngayon ay masama ang tingin sa katapat na mga lalaking nakaaway niya. ‘Bugbog sarado na nga ay ang tapang-tapang pa rin.’ Kinurot ko siya sa hita upang mapunta sa akin ang kanyang atensyon. Nanggigigil na ang mukha ko ngunit hindi pa rin niya makuha ang ibig kong sabihin.
“Tumigil ka na!” nanggagalaiti kong bulong sa kanya. “Pag nakalabas tayo rito, dagdagan ko talaga iyang bugbog mo!” bant
