ILANG MINUTO DIN NA UMIYAK si Ella. Masakit sa kanya ang mga sinabi sa kanya ng ina ni Caleb. Tagos hanggang sa buto niya ang sakit, kaya matagal siyang umiyak.
"Anak, tahan na. Namumugto na ang mga mata mo, oh." Pag-alo ni nanay Maricel, kay Ella.
"Okay lang ako nay. Masasanay din siguro ako sa mommy ni Caleb. Siguro kailangan ko na lang gawin ay unawain siya at pakisamahan. Baka makita din niya ang mali niya at tanggapin niya ako bilang manugang." Tugon ni Ella.
"Umupo ka muna dito. Inumin mo itong juice, makakatulong ito para maibsan ang sama ng loob mo sa bruha mong biyanan." Wika ni nanay Maricel.
"Salamat nay, dahil nandyan kayo para damayan ako." Pasalamat ni Ella. "Nay, kung pwede po ay huwag na po muna natin iparating ito kay Caleb. Baka ito pa ang pagsimulan ng away nilan
