SAKA LANG niya napagtantong nakayakap na pala siya kay Samuel. Sa dibdib nito siya nakasandal kaya hindi niya makita kung ano ang reaksyon ng lalaki. Hiyang-hiya siya kaya agad siyang humingi ng paumanhin rito.
"Sorry.." nahihiyang turan.
"Its okay.." ani naman nito matapos siyang humiwalay. "Alam kong mahirap malaman ang lahat ng ito. Pero kailangan mong magpakatatag para kay Mich." Dagdag pa nito tukoy sa kaniyang kapatid kaya agad siyang napatingin sa lalaki.
"Hindi pa ba niya al—."
"Hindi.." putol na sabad ni Samuel.
Muli ay nagkatitigan sila. "Ayaw kong mabuhay si Mich na puno ng takot sa dibdib kaya hindi ko sinabi ang lahat ng nalalaman ko," paliwanag ni Samuel. Sa pagkakataong iyon ay sang-ayon siya sa sinabing iyon nito.
"Hanggang ngayon ay aktibo pa ang grupo kahit hindi pa
