ROSELLE:
TULALA ako habang pauwi ng unit. Hindi ko pa rin lubos maisip ang mga nangyari sa pagitan namin ni Raquel. Kung paanong walang bahid ng pagsisisi dito na nakiapid sa asawa ko. Tumulong muli ang luha sa mga mata ko. Para akong pinipiga sa puso. Bakit gan'to? Paano ako nagawang saktan ng gan'to ng mga taong mahal na mahal ko? Ni minsan ay hindi ako gumawa ng masama sa kapwa ko. Pero bakit kailangan ako pa ang dumanas ng gan'to?
Bagsak ang balikat na umakyat ako ng unit namin ni Chloe. Para akong tinatangay sa kawalan. Lutang na lutang na parang walang nag-e-exist sa paningin ko. Dama ko ang panlalambot ng mga tuhod ko habang palapit nang palapit sa unit na akupado namin ng asawa ko. Mapait akong napangiti. Kahit inaasahan ko na ang tungkol sa kanila ni Raquel ay hindi ko pa rin m
