"s**t," mahinang usal ko at sinapo ang ulo. Ramdam ko ang matinding kirot ng ulo ko na tila binibiyak ito sa gitna. Sa tuwing ididilat ko naman ang mga mata ko, parang umiikot ang paningin ko.
Tumagilid ako ng higa at mariin na ipinikit ang mga mata, pero nang maramdaman kong tila hinahalukay ang bituka ko ay dali-dali akong bumangon mula sa pagkakahiga at tumatakbong nagtungo sa bathroom at nagsuka nang nagsuka.
Matapos magsuka ay binuksan ko ang gripo at nagmumog. Binasa ko rin ng tubig ang buong mukha ko para mahimasmasan at pinagmasdan ang sarili sa salamin.
"I'm not pretty anymore," nakanguso kong sambit nang makita ang sarili sa salamin. Gulo-gulo ang buhok at nangingitim ang ilalim ng mga mata.
Umalis na ako sa harap ng salamin at kumuha ng towel para tuyuin ang mukha. Nang mata
