"Nasaktan ka ba?" Nag-aalalang tanong nito nang makaupo na sila sa loob ng sasakyan nito. Tahimik lang siya na umiling, hindi pa humupa ang nararamdaman niyang kaba nang makita niya sa loob si Fernan. At ang twenty million na parang itinapon lang ni Joaquin sa basurahan, hindi siya makapaniwala na gagawin nito ang bagay na 'yon. Hindi niya man lang nakitaan nang kayabangan ito.
"J-joaquin, sana hindi mo ginawa ang bagay na 'yon," sabi niya na iniisip kung paano ito mababayaran sa halagang ibinigay nito kay Fernan.
"Ang alin? Ang saktan ang matandang walang respeto na 'yon?" Nahimigan niya ang galit sa boses nito habang sinasabi ang bagay na 'yon.
"H-hindi. Iyong cheque na ibinigay mo kay Fernan, mamatay lang ako hindi ko 'yon mababayaran sa 'yo Joaquin," may pag-alinlangan na sinabi niy
