DAHLIA
Kakababa ko pa lamang sa lobby kita ko na kaagad ang mahabang ngiti niya. Naka-dikwatro pa siyang nakaupo sa malaking sofa. Habang iniintay ako. Lumapit ako sa kanya at tumayo din siya upang salubungin ako.
“Hi, gorgeous.”
Nag-init ang pisngi ko nang bigla niya akong halikan sa labi. Kaya patay malisya akong napatingin sa mga taong kakababa lang din sa lobby dahil uwian na at nakikita ko ang inggit sa kanilang mga mata.
“Ikaw napaka-PDA mo.” saway ko. Kinuha niya ang kamay ko at naglakad na kami palabas.
“Kapag hinalikan sa labi PDA na kaagad? Hindi ba puwedeng proud akong makilala bilang boyfriend ng pinakamagandang babae sa building na ito?” tanong niya kaya napatingin ako sa kanya. Kunot noo ko siyang tinignan.
“Dito lang sa building? So, sa labas meron pang mas magand
