Hindi ako nagpahalata na napansin ko siya at patay malisya akong dumiretso sa aming kuwarto.
"Chang..." sambit niya sa akin.
"Oh, Sam! Nandito ka pala? Bakit hindi ka pumasok?" tanong ko, habang nakatayo ako sa pintuan ng kuwarto.
"Masama kasi ang pakiramdam ko, Chang."
Pero sa isip ko ay nagtatanong na, "Anong drama na naman 'yan Sam?" Pero pinigilan ko lang ang aking sarili dahil ayaw kong lumaki ang aming problema.
"Uminom ka na ba ng gamot?"
"Oo, tapos na."
"Mabuti naman kung ganoon!" seryoso kong tugon sa kanya. Akmang papasok na sana ako sa loob nang muli siyang nagsasalita.
"Saan ka ba galing Chang? Bakit hindi mo sinasagot ang mga tawag ko?"
"Sa bahay at nakatulog ako kaya hindi ko napansin ang mga tawag mo."
"Sana sinabihan mo ako para nasamahan kita."
Dahil sa kanyan
