"Okay, so, ano bang bibilhin natin?"
"'Yong mga nasa list na in-email ni Ate Lhou," sagot ni Nathan bago ako pinagbuksan ng pintuan ng kotse. Agad naman akong sumakay roon. Umikot siya sa kotse at sumakay sa driver's seat.
"Can I see?" tanong ko bago sinuot ang seatbelt. Inabot niya naman sa akin ang iPad niya. Medyo natigilan pa ako nang iabot niya 'yon pero tinanggap din.
Wow, talaga bang pinahawak niya sa 'kin 'tong pinakamamahal niyang iPad? Bago 'yon, ha!
Tiningnan ko ang email ni Miss Lhou. Puro souvenirs 'yon tapos may ilang pinapauwing pagkain na galing dito sa Laguna. Mostly ay famous delicacies na kilala sa probinsiya ng Laguna. Buko pie, kesong puti, espasol, cassava cake, bibingka, at ube.
Agad ko ring ibinalik sa kaniya ang iPad dahil baka mamaya ay masira ko pa. Bak
