Awang-awa na pinagmasdan ni Aarah si Bart na noon ay tulog na tulog. Na-traffic siya sa kalsada kaya hindi na niya ito naabutang gising.
Uminit ang mga mata ni Aarah nang mapatingin siya sa ulo ni Bart na nababalutan ng tela. Nakalbo na kasi ito dahil sa chemoterapy. Impis at namumutla na rin ang guwapong mukha na noon ay laging nakangiti kay Aarah, at nanlalalim ang mga mata. Bitak-bitak, tila nanunuyo, at namumutala na rin ang dating mapupula nitong mga labi.
At hanggang maaari ay ayaw tingnan ni Aarah si Bart sa gan'ong kalagayan. Hindi niya kayang makita ang katawan nito na sobrang laki ng ibinagsak. Malayong-malayong na sa dating macho na katawan. Nadudurog ang kaniyang puso kapag tinitingnan niya ang kaibigan. Unti-unti siyang nanghihina.
"Kayo po ang hinahanap niya kanina, Ma'am
