"But don't worry, Aarah. Pangarap ko lang naman iyon. Wala naman akong balak na totohanin iyon. Yes, seryoso ako sa proposal ko sa'yo noon. But that was four years ago. At hindi na ngayon."
Narinig ni Aarah na sabi ni Bart pagkalipas ng ilang sandali na hindi pa rin siya umiimik. Naaawa siya sa kaibigan. Pero hindi niya talaga alam ang isasagot. Mabuti na lang at hindi naman pala ito seryoso.
"Joke lang 'yon, Aarah, ha," dugtong pa ni Bart. "Ito naman... Hindi na mabiro. Ninerbiyos agad."
"At sino naman ang nagsabi sa'yo na ninerbiyos ako kaagad?" kunwari ay depensa ni Aarah. "Para namang hindi ko kabisado ang bumbunan mo. Alam ko kaya kung kailan ka nagsasabi ng totoo at hindi."
Tumawa nang mahina si Bart. "Walang duda. Pati nga kulay ng tae ko, eh, alam mo na rin, eh."
"Sinabi mo p
