Napapailing na lang si A sa tuwing naririnig niya ang malakas na paghilik ni Aarah. Katabi pa man din niya ito sa front seat.
Simula nang umalis sila ng mansiyon kanina ay nagtulog-tulugan na ang dalaga. Hanggang sa tuluyang makatulog. Marahil ay pinagsabihan din ito nina Bernard at Clara na magpakabait. Gan'on din kasi si A. Kaya himalang hindi sila nag-away ngayon. Kaso, hindi nga sila nag-aaway pero maingay naman itong matulog.
"Que babaeng tao pero sobrang lakas kung humilik. Dinaig pa ako. Kahit sa pagtulog ay maingay pa rin." Salubong ang kilay na nilingon niya si Aarah. Nakita niyang nakalaylay na ang ulo nito. Halos natakpan na rin ng buhok ang buong mukha. At tumutulo pa ang laway. 'Buti sana kung tulo lang. Eh, umaagos talaga papunta sa buhok nitong nakalaylay. "Wala talagang
