Hanggang ngayon ay hindi pa rin makatingin ng diretso si Aarah kay A. Nahihiya pa rin siya sa ginawa niyang pambubugbog dito. Kasalanan kasi ng Frank na 'yon, eh! Pati na rin ng girlfriend nitong mukhang hot sauce.
Mayamaya'y tumigil na ang sasakyan sa isang malaking parking lot. Nagulat pa ang dalaga nang pagbuksan siya ng pinto ni A.
"Salamat-"
"Huwag kang mag-thank you," supalpal kaagad ni A sa kaniya. "Dahil ginagawa ko lang ito para kina Boss Bernard at Clara."
"Hindi rin kita papatulan dahil nag-pramis ako kay besie na magpapakabait ako," tugon ni Aarah sa kaswal na boses. Bukod sa desidido siyang tuparin ang pangako niya kay Clara, guilty din si Aarah sa ginawa niya kay A kanina.
"Kahit anong mangyari, h'wag na h'wag kang umalis sa tabi ko, ha?" bilin ni A habang papasok si
