Bigla ay humagalpak ako ng tawa na ipinagtaka ng mga nasa paligid. May pahampas-hampas pa akong nalalaman dahil kunwari ay tawang-tawa ako kaya iyong hinahampas ko ay ang ma-muscle na braso ni Rusca.
Letse! Pwede palang umaktong tuwang-tuwa habang nininerbiyus ka deep inside.
Buti na lang taong-bato ang Rusca na ito at di pinapansin ang medyo may kalakasan kong mga hampas.
Mukha ngang mas naiinis pa si Xavier sa ginagawa ko dahil iyong matalim niyang titig ay natuon na sa mga kamay kong humahampas kay Rusca.
Gusto ba niyang siya iyong hampasin ko? Sa mukha?
Maging si Ellie kung makatingin sa'kin ay para akong tinubuan ng dalawang ulo dahil nga para akong baliw na tawang-tawa kahit walang joke.
"Babae? Ito?" turo ko kay Ellie. "Di naman babae iyan. Bakla iyan mukha lang babae," nat
